ஐ.எஸ்.எல். கால்பந்து: கோவாவை வீழ்த்தி மும்பை வெற்றி

கோவா,

8-வது இந்தியன் சூப்பர் லீக் கால்பந்து போட்டி (ஐ.எஸ்.எல்.) கோவாவில் நடந்து வருகிறது. இதில் நேற்று இரவு நடைபெற்ற லீக் ஆட்டத்தில் நடப்பு சாம்பியனான மும்பை  அணியும், உள்ளூர் அணியான கோவாவும் மோதின.

இந்த போட்டியின் முதல் பாதியில் மும்பை சிட்டி அணி வீரர் இகோர் அங்குலோ 33 மற்றும் 36-வது நிமிடங்களில் அடுத்தடுத்து கோல் அடித்து அசத்தினார். இதனால் முதல்பாதி முடிவில் மும்பை அணி 2-0 என்ற கனக்கில் முன்னிலை வகித்தது. ஆட்டத்தின் இரண்டாம் பாதியில் கோவா வீரர்கள் கோல் போட முயன்றும் அந்த அணியால் முடியாமல் போனது. 76-வது நிமிடத்தில் மும்பை வீரர் கோர் கடாட் மற்றொரு கோல் அடிக்க, இறுதியில் 3-0  என்ற கணக்கில் கோவாவை மும்பை வீழ்த்தியது.