<
இந்தியன் சூப்பர் லீக் கால்பந்து: ஈஸ்ட் பெங்கால் அணியை வீழ்த்தியது ஒடிசா
மொத்தம் 10 கோல்கள் அடிக்கப்பட்ட இந்த போட்டியில் ஒடிசா அணி வெற்றி பெற்றது.
கோவா ,
8-வது இந்தியன் சூப்பர் லீக் கால்பந்து போட்டி (ஐ.எஸ்.எல்.) கோவாவில் நடந்து வருகிறது .கொரோனா தடுப்பு விதிமுறைகளை பின்பற்றி கடந்த ஆண்டு போல் கோவாவில் உள்ள 3 மைதானங்களில் ரசிகர்கள் இன்றி நடைபெறும் இந்த போட்டி அடுத்த ஆண்டு மார்ச் மாதம் வரை நீடிக்கிறது.
இந்த தொடரில் நேற்று நடைபெற்ற ஆட்டத்தில் ஒடிசா - ஈஸ்ட் பெங்கால் அணிகள் மோதின. இந்த போட்டியின் 13 வது நிமிடத்தில் ஈஸ்ட் பெங்கால் அணியின் டேரன் முதல் கோல் அடித்தார்.இதற்கு பதிலடியாக ரோடாஸ் 33 வது நிமிடத்தில் ஒடிசா அணியின் முதல் கோலை அடித்தார்.
போட்டியின் 40 வது நிமிடத்தில் ரோடாஸ் தனது இரண்டாவது கோலை அடிக்க ஒடிசா அணி 2-1 என்ற கணக்கில் முன்னிலை பெற்றது. இந்த ஆட்டம் முழுவதும் கோல் மழையாக இருந்தது.
ஆட்டத்தின் 71 மற்றும் 93 வது நிமிடத்தில் ஒடிசா அணியின் கேப்ரேரா தனது பங்கிற்கு இரண்டு கோல்கள் அடிக்க , ஈஸ்ட் பெங்கால் அணியின் டேனியல் சீமாவும் இறுதி கட்டத்தில் இரண்டு கோல்கள் அடித்தார்.
இறுதியில் ஒடிசா அணி மொத்தம் 6 கோல்கள் அடிக்க ஈஸ்ட் பெங்கால் அணியால் 4 கோல்கள் மட்டுமே அடிக்க முடிந்தது . மொத்தம் 10 கோல்கள் அடிக்கப்பட்ட இந்த போட்டியில் ஒடிசா அணி வெற்றி பெற்றது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
