ஐ.எஸ்.எல் கால்பந்து: மும்பையை வீழ்த்தியது ஐதராபாத் அணி..!


ஐ.எஸ்.எல் கால்பந்து: மும்பையை வீழ்த்தியது ஐதராபாத் அணி..!
x
தினத்தந்தி 5 March 2022 7:30 PM GMT (Updated: 5 March 2022 7:30 PM GMT)

நேற்று நடைபெற்ற ஆட்டத்தில் ஐதராபாத் மற்றும் மும்பை சிட்டி அணிகள் மோதின.

கோவா,

8-வது இந்தியன் சூப்பர் லீக் கால்பந்து போட்டி (ஐ.எஸ்.எல்) கோவாவில் நடந்து வருகிறது. கொரோனா தடுப்பு விதிமுறைகளை பின்பற்றி  கோவாவில் உள்ள 3 மைதானங்களில் ரசிகர்கள் இன்றி நடைபெற்று வருகிறது. 

இந்த நிலையில் நேற்று நடைபெற்ற ஆட்டத்தில் ஈஸ்ட் பெங்கால் மற்றும் பெங்களூரு எப்.சி அணிகள் மோதின. இந்த ஆட்டத்தில் பெங்களூரு அணி 1-0 என்ற கோல் கணக்கில் ஈஸ்ட் பெங்காலை தோற்கடித்து 8-வது வெற்றியை பதிவு செய்து 6-வது இடத்தை பிடித்தது. ஈஸ்ட் பெங்கால் கடைசி இடத்தை பெற்றது

இதைத் தொடந்து இரவு 9.30 மணிக்கு நடைபெற்ற ஆட்டத்தில் ஐதராபாத் மற்றும் மும்பை சிட்டி அணிகள் மோதின. இந்த ஆட்டத்தில் ஐதராபாத் அணி 2-1 என்ற கோல் கணக்கில் மும்பைசிட்டி அணியை வீழ்த்தி வெற்றி பெற்றது.

இன்று இரவு 7.30 மணிக்கு நடைபெறும் லீக் ஆட்டத்தில் கோவா-கேரளா பிளாஸ்டர்ஸ் அணிகள் மோதுகின்றன.

Next Story