<
75-வது சந்தோஷ் கோப்பை கால்பந்து தொடர்; தொடக்க ஆட்டத்தில் பஞ்சாப்பை பந்தாடியது மேற்கு வங்கம்!
தொடக்க ஆட்டத்தில் மேற்கு வங்கம் 1-0 என்ற கோல் கணக்கில் பஞ்சாப்பை வீழ்த்தியது.
திருவனந்தபுரம்,
75-வது தேசிய அளவிலான சந்தோஷ் கோப்பை கால்பந்து தொடர் போட்டிகள், கேரள மாநிலம் மலப்புரத்தில் தொடங்கியது.
2 ஆண்டுகளுக்கு பிறகு சந்தோஷ் கோப்பை கால்பந்து தொடர் இன்று தொடங்கியது. இந்த தொடரில் 10 அணிகள் பங்கேற்கின்றன. அவை 2 குழுக்களாக பிரிக்கப்பட்டு போட்டிகள் நடைபெறும். ஒவ்வொரு பிரிவிலும் முதல் 2 இடங்களை பிடிக்கும் அணிகள் அரையிறுதி சுற்றுக்கு முன்னேறும்.
மலப்புரம் கொட்டப்பாடி மைதானத்தில் இன்று நடைபெற்ற முதலாவது ஆட்டத்தில், 32 முறை கோப்பையை கைப்பற்றிய மேற்கு வங்க அணி, பஞ்சாப் அணியை எதிர்கொண்டது.
இந்த தொடக்க ஆட்டத்தில் மேற்கு வங்கம் 1-0 என்ற கோல் கணக்கில் பஞ்சாப்பை வீழ்த்தியது.
இன்று நடைபெறும் மற்றொரு ஆட்டத்தில், குரூப்-ஏ பிரிவில் உள்ள கேரளா-ராஜஸ்தான் அணிகள் பலப்பரிட்சை நடத்துகின்றன. இப்போட்டி, மலப்புரம் மஞ்சேரி பய்யநாடு மைதானத்தில் நடைபெறுகிறது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
