மாநில ஆக்கி போட்டி ஐ.சி.எப். அணி அரைஇறுதிக்கு தகுதி

சென்னை,

இந்தியன் வங்கி கோப்பைக்கான 2–வது மாநில அளவிலான ஆக்கி போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் 3–வது நாளான நேற்று நடந்த ஆட்டம் ஒன்றில் ஆக்கி அகாடமி அணி 5–1 என்ற கோல் கணக்கில் சென்னை சிட்டி போலீஸ் அணியை சாய்த்து கால்இறுதிக்குள் அடியெடுத்து வைத்தது. கால்இறுதி ஆட்டம் ஒன்றில் ஐ.சி.எப். அணி 2–1 என்ற கோல் கணக்கில் சாய் அணியை வீழ்த்தி அரைஇறுதிக்கு முன்னேறியது. இன்று நடைபெறும் கால்இறுதி ஆட்டங்களில் மத்திய கலால் வரி–தெற்கு ரெயில்வே (பிற்பகல் 2 மணி), இந்தியன் ஓவர்சீஸ் வங்கி–தமிழ்நாடு போலீஸ் (மாலை 4 மணி) அணிகள் மோதுகின்றன.