ஆக்கியில் 21 கோல் அடித்த இந்திய அணி

ஜகர்தா,

ஆசிய போட்டியில் 10 அணிகள் இடையிலான பெண்கள் ஆக்கியில் ‘பி’ பிரிவில் அங்கம் வகிக்கும் இந்திய அணி நேற்று தனது 2-வது லீக்கில் 21-0 என்ற கோல் கணக்கில் கஜகஸ்தானை பந்தாடி 2-வது வெற்றியை பெற்றது. இந்திய அணியில் 10 வீராங்கனைகள் கோல் அடித்தனர். அதிகபட்சமாக நவ்னீத் கவுர் 5 கோலும், குர்ஜித் கவுர் 4 கோலும் போட்டனர். ஆசிய விளையாட்டில் இந்தியாவின் 2-வது மிகப்பெரிய வெற்றி இதுவாகும். ஏற்கனவே 1982-ம் ஆண்டு ஆசிய விளையாட்டில் 22-0 என்ற கோல் கணக்கில் ஹாங்காங்கை சாய்த்து இருந்தது குறிப்பிடத்தக்கது.