அகில இந்திய ஆக்கி போட்டி: இந்தியன் ரெயில்வே அணி வெற்றி

92-வது எம்.சி.சி.-முருகப்பா தங்க கோப்பைக்கான அகில இந்திய ஆக்கி போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் 3-வது நாளான நேற்று நடந்த லீக் ஆட்டம் ஒன்றில் பஞ்சாப் சிந்து வங்கி-சென்னை ஆக்கி சங்க அணிகள் மோதின. விறுவிறுப்பான இந்த ஆட்டம் 1-1 என்ற கோல் கணக்கில் டிராவில் முடிந்தது.

மற்றொரு ஆட்டத்தில் இந்தியன் ரெயில்வே அணி 5-1 என்ற கோல் கணக்கில் இந்திய கடற்படை அணியை வீழ்த்தி 2-வது வெற்றியை ருசித்தது. இன்னொரு ஆட்டத்தில் இந்தியன் ஆயில் அணி 7-4 என்ற கோல் கணக்கில் பெங்களூரு ஆக்கி சங்க அணியை சாய்த்து முதல் வெற்றியை தனதாக்கியது. ஓ.என்.ஜி.சி.-மத்திய அமைச்சகம் அணிகள் மோதிய லீக் ஆட்டம் 3-3 என்ற கோல் கணக்கில் டிராவில் முடிந்தது.