உலக கோப்பை ஆக்கி: கால்இறுதியில் ஆஸ்திரேலியா

புவனேஸ்வரம்,

16 அணிகள் பங்கேற்றுள்ள உலக கோப்பை ஆக்கி போட்டி ஒடிசா மாநிலம் புவனேஸ்வரத்தில் நடந்து வருகிறது. இதில் பி பிரிவில் நேற்று நடந்த ஒரு லீக் ஆட்டத்தில் நடப்பு சாம்பியன் ஆஸ்திரேலியா 3–0 என்ற கோல் கணக்கில் இங்கிலாந்தை பதம் பார்த்தது. ஜேக்கப் ஒயிட்டான் (47–வது நிமிடம்), பிளாக் கோவர்ஸ் (50–வது நிமிடம்), கோரி வியேர் (56–வது நிமிடம்) ஆகியோர் ஆஸ்திரேலிய அணியில் கோல் போட்டனர். இதே பிரிவில் நடந்த சீனா–அயர்லாந்து அணிகள் இடையிலான மற்றொரு ஆட்டம் 1–1 என்ற கோல் கணக்கில் டிராவில் முடிந்தது.

தொடக்க லீக் ஆட்டத்தில் அயர்லாந்தை வீழ்த்தி இருந்த ஆஸ்திரேலிய அணி 2–வது வெற்றியுடன் நேரடியாக கால்இறுதிக்குள் நுழைந்தது. டி பிரிவில் இன்று நடக்கும் லீக் ஆட்டங்களில் ஜெர்மனி–நெதர்லாந்து (மாலை 5 மணி), மலேசியா–பாகிஸ்தான் (இரவு 7 மணி) ஆகிய அணிகள் மோதுகின்றன.