ஹாக்கி

உலக கோப்பை ஆக்கி : அர்ஜென்டினா அணிக்கு அதிர்ச்சி அளித்து அரைஇறுதிக்குள் நுழைந்தது இங்கிலாந்து + "||" + Hockey World Cup: The Argentine team was shocked and entering the semi-final England

உலக கோப்பை ஆக்கி : அர்ஜென்டினா அணிக்கு அதிர்ச்சி அளித்து அரைஇறுதிக்குள் நுழைந்தது இங்கிலாந்து

உலக கோப்பை ஆக்கி : அர்ஜென்டினா அணிக்கு அதிர்ச்சி அளித்து அரைஇறுதிக்குள் நுழைந்தது இங்கிலாந்து
உலக கோப்பை ஆக்கி போட்டியில், அர்ஜென்டினா அணிக்கு எதிரான ஆட்டத்தில் வெற்றிபெற்று அரைஇறுதிக்குள் நுழைந்தது இங்கிலாந்து அணி.
புவனேஸ்வரம்,

உலக கோப்பை ஆக்கி போட்டியில் நேற்று மாலை நடந்த முதலாவது கால்இறுதி ஆட்டத்தில் ஒலிம்பிக் சாம்பியனும், உலக தரவரிசையில் 2-வது இடத்தில் இருக்கும் அணியுமான அர்ஜென்டினா, 7-வது இடத்தில் உள்ள இங்கிலாந்துடன் மோதியது. விறுவிறுப்பான இந்த ஆட்டத்தில் 17-வது நிமிடத்தில் அர்ஜென்டினா முதல் கோல் அடித்தது. பெனால்டி கார்னர் வாய்ப்பை பயன்படுத்தி அந்த அணி வீரர் கோன்சலோ பெய்லாட் இந்த கோலை அடித்தார். 27-வது நிமிடத்தில் இங்கிலாந்து அணி பதில் கோல் திருப்பியது. பார்ரி மிட்லெடோன் இந்த கோலை திணித்தார்.

முதல் பாதியில் இரு அணிகளும் 1-1 என்ற கோல் கணக்கில் சமநிலை வகித்தன. 45-வது நிமிடத்தில் இங்கிலாந்து அணி வீரர் வில் கால்னன் 2-வது கோலை போட்டார். 48-வது நிமிடத்தில் கிடைத்த பெனால்டி கார்னர் வாய்ப்பை பயன்படுத்தி அர்ஜென்டினா அணி வீரர் கோன்சலோ பெய்லாட் மீண்டும் கோல் அடித்தார். இதனால் மீண்டும் சமநிலை (2-2) ஏற்பட்டது. 49-வது நிமிடத்தில் இங்கிலாந்து வீரர் ஹார்ரி மார்ட்டின் கோல் போட்டார். அதுவே வெற்றி கோலாக மாறியது. முடிவில் இங்கிலாந்து அணி 3-2 என்ற கோல் கணக்கில் அர்ஜென்டினாவுக்கு அதிர்ச்சி அளித்து அரைஇறுதிக்குள் அடியெடுத்து வைத்தது.

இரவில் நடந்த 2-வது கால்இறுதி ஆட்டத்தில் நடப்பு சாம்பியனும், நம்பர் ஒன் அணியுமான ஆஸ்திரேலியா, தரவரிசையில் 20-வது இடத்தில் இருக்கும் பிரான்ஸ் அணியை சந்தித்தது. இதில் தொடக்கம் முதலே ஆதிக்கம் செலுத்திய ஆஸ்திரேலிய அணி 3-0 என்ற கோல் கணக்கில் பிரான்சை தோற்கடித்து தொடர்ந்து 11-வது முறையாக அரைஇறுதியை எட்டியது. ஆஸ்திரேலிய அணியில் ஜெர்மி ஹாய்வார்ட் (4-வது நிமிடம்), பிளாக் கோவெர்ஸ் (19-வது நிமிடம்), அரான் ஜால்வஸ்கி (37-வது நிமிடம்) கோல் அடித்தனர்.