ஹாக்கி

தேசிய சீனியர் ஆக்கி: இறுதிப்போட்டியில் தமிழக அணி + "||" + National Senior Hockey: Tamil Nadu team in final

தேசிய சீனியர் ஆக்கி: இறுதிப்போட்டியில் தமிழக அணி

தேசிய சீனியர் ஆக்கி: இறுதிப்போட்டியில் தமிழக அணி
தேசிய சீனியர் ஆக்கி போட்டியின் அரைஇறுதியில் தமிழகம், சாய் அணியை வீழ்த்தி இறுதிப்போட்டிக்கு முன்னேறியது.
சென்னை,

9-வது தேசிய சீனியர் ஆக்கி (பி பிரிவு) சாம்பியன்ஷிப் போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் நேற்று காலை நடந்த முதலாவது அரை இறுதி ஆட்டத்தில் தமிழக அணி, இந்திய விளையாட்டு ஆணையத்தை (சாய்) எதிர்கொண்டது. இளம் வீரர்களை கொண்ட சாய் அணியும், அனுபவம் மற்றும் இளம் வீரர்களை உள்ளடக்கிய தமிழக அணியும் தொடக்கம் முதலே தாக்குதல் ஆட்டத்தை தொடுத்தன.


9-வது நிமிடத்தில் சாய் அணி வீரர் பாபி சிங் தாமி கோல் அடித்தார். 16-வது நிமிடத்தில் தமிழக அணி பதில் கோல் திருப்பி சமநிலையை எட்டியது. ஜோஸ்வா கடத்தி கொடுத்த பந்தை சண்முகம் கோலுக்குள் திணித்தார். 20-வது நிமிடத்தில் தமிழக அணிக்கு பெனால்டி கார்னர் வாய்ப்பு கிடைத்தது. அதனை பயன்படுத்தி வினோதன் கோல் அடித்து தமிழக அணிக்கு முன்னிலை தேடிக் கொடுத்தார். இந்த முன்னிலை சற்று நேரத்தில் முடிவுக்கு வந்தது. 25-வது நிமிடத்தில் கிடைத்த பெனால்டி கார்னர் வாய்ப்பை பயன்படுத்தி சாய் அணி வீரர் மொகித் குமார் கோல் அடித்தார். முதல் பாதியில் இரு அணிகளும் 2-2 என்ற கோல் கணக்கில் சமநிலை வகித்தன.

40-வது நிமிடத்தில் தமிழக அணி வீரர் ராயர் அபாரமாக கோல் அடித்தார். ஆனால் அடுத்த நிமிடத்திலேயே சாய் அணி பதில் கோல் திருப்பியது. பெனால்டி கார்னர் வாய்ப்பை பயன்படுத்தி அந்த அணி வீரர் ராகுல் குமார் கோல் அடித்து சமநிலையை எட்ட வைத்தார். அதன் பிறகு இரு அணிகளும் கோல் எதுவும் அடிக்காததால் வழக்கமான ஆட்ட நேரம் முடிவில் இரு அணிகளும் 3-3 என்ற கோல் கணக்கில் சமநிலை வகித்தன.

இதனை அடுத்து வெற்றி, தோல்வியை நிர்ணயிக்க ‘பெனால்டி ஷூட்-அவுட்’ முறை கடைப்பிடிக்கப்பட்டது. இதில் 5 வாய்ப்புகளில் தமிழக அணியினர் 3 கோல் அடித்தனர். 2 வாய்ப்பை தவறவிட்டனர். தமிழக அணியில் ஷூட்-அவுட்டில் செந்தில் நாயகம், ஆர்.மணிகண்டன், எஸ்.மணிகண்டன் ஆகியோர் கோல் அடித்தனர். சாய் அணியில் விஷால், லோகேஷ் போரா ஆகியோர் மட்டுமே கோல் அடித்தனர். ‘ஷூட்-அவுட்’ முடிவில் தமிழக அணி 6-5 என்ற கோல் கணக்கில் சாய் அணியை வீழ்த்தி இறுதிப்போட்டிக்கு முன்னேறியது.

பிற்பகலில் நடந்த 2-வது அரைஇறுதி ஆட்டத்தில் மத்திய தலைமை செயலகம்-பெங்களூரு அணிகள் மோதின. விறுவிறுப்பான இந்த ஆட்டமும் 3-3 என்ற கோல் கணக்கில் சமநிலையில் முடிந்தது. இதனை அடுத்து பெனால்டி ‘ஷூட்-அவுட்’ முறை பின்பற்றப்பட்டது. ஷூட்-அவுட்டில் மத்திய தலைமை செயலக அணி 4-3 என்ற கோல் கணக்கில் (மொத்தத்தில் 7-6) பெங்களூரு அணியை பதம் பார்த்து இறுதிப்போட்டிக்கு தகுதி பெற்றது.

இன்று (ஞாயிற்றுக்கிழமை) பிற்பகல் 3 மணிக்கு நடைபெறும் இறுதிப்போட்டியில் தமிழ்நாடு-மத்திய தலைமை செயலக அணிகள் மோதுகின்றன. முன்னதாக காலை 7.30 மணிக்கு நடைபெறும் 3-வது இடத்துக்கான ஆட்டத்தில் சாய்-பெங்களூரு அணிகள் சந்திக்கின்றன.

இறுதிப்போட்டிக்கு முன்னேறியதன் மூலம் தமிழ்நாடு, மத்திய தலைமை செயலக அணிகள் மத்தியபிரதேச மாநிலம் குவாலியரில் இந்த மாதம் இறுதியில் நடைபெறும் ‘ஏ’ டிவிசன் தேசிய சீனியர் ஆக்கி போட்டிக்கு தகுதி பெற்றன.


தொடர்புடைய செய்திகள்

1. ஆசிய ஸ்குவாஷ் போட்டி: இறுதிப்போட்டியில் ஜோஸ்னா-கோஷல்
ஆசிய ஸ்குவாஷ் போட்டியில், ஜோஸ்னா-கோஷல் ஆகியோர் இறுதிப்போட்டிக்கு முன்னேறினர்.
2. ஐ.எஸ்.எல். கால்பந்து: இறுதிப்போட்டியில் கோவா அணி
ஐ.எஸ்.எல். கால்பந்தின் இறுதிப்போட்டிக்கு கோவா அணி தகுதிபெற்றது.
3. பள்ளி கிரிக்கெட் இறுதிப்போட்டியில் செயின்ட் பீட்ஸ் அணி
பள்ளி கிரிக்கெட்டின் இறுதிப்போட்டிக்கு செயின்ட் பீட்ஸ் அணி தகுதிபெற்றது.
4. ரஞ்சி கிரிக்கெட் இறுதிப்போட்டி: வெற்றிப் பாதையில் விதர்பா அணி
ரஞ்சி கிரிக்கெட் இறுதிப்போட்டியில் விதர்பா அணி வெற்றிப் பாதையில் பயணிக்கிறது.
5. ரஞ்சி கிரிக்கெட் இறுதிப்போட்டியில் விதர்பா-சவுராஷ்டிரா மோதல்: நாக்பூரில் இன்று தொடக்கம்
நாக்பூரில் இன்று தொடங்கும் ரஞ்சி கிரிக்கெட் இறுதிப்போட்டியில், விதர்பா-சவுராஷ்டிரா அணிகள் மோத உள்ளன.