ஹாக்கி

தபால் துறை ஆக்கி: கர்நாடக அணி ‘சாம்பியன்’ + "||" + Postal Department Hockey: Karnataka team 'champion'

தபால் துறை ஆக்கி: கர்நாடக அணி ‘சாம்பியன்’

தபால் துறை ஆக்கி: கர்நாடக அணி ‘சாம்பியன்’
32–வது அகில இந்திய தபால் துறை ஆக்கி போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்தது.

சென்னை, 

32–வது அகில இந்திய தபால் துறை ஆக்கி போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்தது. இதில் நேற்று நடந்த இறுதிப்போட்டியில் கர்நாடகா–மத்தியபிரதேசம் அணிகள் மோதின. விறுவிறுப்பான இந்த ஆட்டத்தில் வழக்கமான ஆட்ட நேரம் முடிவில் இரு அணிகளும் 4–4 என்ற கோல் கணக்கில் சமநிலை வகித்தன. இதனை அடுத்து வெற்றி, தோல்வியை நிர்ணயிக்க ‘பெனால்டி ஷூட்–அவுட்’ முறை கடைப்பிடிக்கப்பட்டது. இதில் கர்நாடக அணி 5–3 என்ற கோல் கணக்கில் (மொத்தத்தில் 9–7) மத்தியபிரதேசத்தை வீழ்த்தி சாம்பியன் பட்டத்தை கைப்பற்றியது. முன்னதாக நடந்த 3–வது இடத்துக்கான ஆட்டத்தில் தமிழ்நாடு அணி 6–2 என்ற கோல் கணக்கில் பஞ்சாப் அணியை சாய்த்தது. பின்னர் நடந்த பரிசளிப்பு விழாவுக்கு தமிழ்நாடு தலைமை அஞ்சல் துறை தலைவர் எம்.சம்பத் முன்னிலை வகித்தார். தெற்கு ரெயில்வே பொதுமேலாளர் குல்ஷ்ரேஷ்டா சிறப்பு விருந்தினராக கலந்து கொண்டு வெற்றி பெற்ற அணிகளுக்கு பரிசு வழங்கினார். இந்திய ஆக்கி அணியின் முன்னாள் முகமது ரியாஸ் உள்பட பலர் விழாவில் கலந்து கொண்டனர்.


தொடர்புடைய செய்திகள்

1. ஆக்கி தொடர்: ஆஸ்திரேலிய ‘ஏ’ அணியை வீழ்த்தியது இந்தியா
ஆஸ்திரேலிய ‘ஏ’ அணிக்கு எதிரான ஆக்கி போட்டியில் இந்திய அணி 3–0 என்ற கோல் கணக்கில் வெற்றி பெற்றது.
2. தென்கொரியா போட்டி தொடர்: இந்திய பெண்கள் ஆக்கி அணி அறிவிப்பு
இந்திய பெண்கள் ஆக்கி அணி வருகிற 20–ந் தேதி முதல் தென்கொரியாவில் சுற்றுப்பயணம் செய்து அந்த நாட்டு அணியுடன் 3 ஆட்டங்கள் கொண்ட தொடரில் விளையாடுகிறது.
3. 12 அணிகள் பங்கேற்கும் தென்மண்டல ஆக்கி போட்டி சென்னையில் இன்று தொடக்கம்
ஒய்.எம்.சி.ஏ. மெட்ராஸ் அமைப்பு சார்பில் தென்மண்டல ஆண்கள் ஆக்கி போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் இன்று (திங்கட்கிழமை) தொடங்கி 1–ந்தேதி வரை நடக்கிறது.
4. அஸ்லான் ஷா ஆக்கி இறுதிப்போட்டியில் இந்திய அணி தோல்வி
6 அணிகள் இடையிலான 28–வது அஸ்லான் ஷா கோப்பை ஆக்கி போட்டி மலேசியாவில் நடந்தது. இதில் நேற்று நடந்த இறுதிப்போட்டியில் இந்தியா–தென்கொரியா அணிகள் பலப்பரீட்சை நடத்தின.
5. அகில இந்திய துறைமுக ஆக்கி கொல்கத்தா அணி ‘சாம்பியன்’
பெரிய துறைமுகங்களுக்கு இடையிலான 40–வது அகில இந்திய ஆக்கி போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்தது.