தேசிய ஜூனியர் ஆக்கி: தமிழக அணி வெற்றி

அவுரங்கபாத், 

ஆண்களுக்கான 9–வது தேசிய ஜூனியர் ஆக்கி போட்டி (ஏ டிவிசன்) மராட்டிய மாநிலம் அவுரங்கபாத்தில் நேற்று தொடங்கியது. இதில் ‘ஏ’ பிரிவில் இடம் பெற்றுள்ள தமிழக அணி, தனது முதல் லீக்கில் நடப்பு சாம்பியன் பஞ்சாப்பை சந்தித்தது. பரபரப்பான இந்த மோதலில் தமிழக அணி 5–4 என்ற கோல் கணக்கில் பஞ்சாப்பை வீழ்த்தியது. தமிழக அணியில் எஸ்.கார்த்தி (6, 10, 35, 50–வது நிமிடம்) 4 கோலும், கே.திராஸ் (51–வது நிமிடம்) ஒரு கோலும் போட்டனர். ‘சி’ பிரிவில் நடந்த ஒரு ஆட்டத்தில் உத்தரபிரதேசம் 7–1 என்ற கணக்கில் உள்ளூர் அணியான மராட்டியத்தை பந்தாடியது. உத்தரபிரதேச வீரர் கோபிகுமார் சோங்கர் 5 கோல்கள் அடித்தார்.