ஹாக்கி

மாநில ஆக்கி இறுதிப்போட்டியில் இந்தியன் வங்கி–ஐ.ஓ.பி. + "||" + The state Hockey Final match Indian Bank-IOB

மாநில ஆக்கி இறுதிப்போட்டியில் இந்தியன் வங்கி–ஐ.ஓ.பி.

மாநில ஆக்கி இறுதிப்போட்டியில் இந்தியன் வங்கி–ஐ.ஓ.பி.
இந்தியன் வங்கி சார்பில் 3–வது மாநில அளவிலான ஆக்கி போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது.

சென்னை,

இந்தியன் வங்கி சார்பில் 3–வது மாநில அளவிலான ஆக்கி போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் 5–வது நாளான நேற்று நடந்த முதலாவது அரைஇறுதிப்போட்டியில் இந்தியன் ஓவர்சீஸ் வங்கி (ஐ.ஓ.பி.)–ஐ.சி.எப். அணிகள் பலப்பரீட்சை நடத்தின. விறுவிறுப்பான இந்த ஆட்டத்தில் ஐ.ஓ.பி. அணி 4–3 என்ற கோல் கணக்கில் ஐ.சி.எப். அணியை வீழ்த்தி இறுதிப்போட்டிக்கு முன்னேறியது. ஐ.ஓ.பி. அணியில் அமர்தீப் எக்கா (26–வது, 38–வது நிமிடம்) 2 கோலும், செல்வராஜ் (12–வது நிமிடம்), பிட்டப்பா (55–வது நிமிடம்) தலா ஒரு கோலும் அடித்தனர். ஐ.சி.எப். அணியில் அஸ்வின் குஜூர் (36–வது, 48–வது நிமிடம்) 2 கோலும், சுரஜ் மின்ஸ் (42–வது நிமிடம்) ஒரு கோலும் திருப்பினார்கள். மற்றொரு அரைஇறுதியில் இந்தியன் வங்கி அணி 3–0 என்ற கோல் கணக்கில் தெற்கு ரெயில்வேயை தோற்கடித்து இறுதிப்போட்டிக்குள் நுழைந்தது. இந்தியன் வங்கி அணியில் ராஜா 2 கோலும், லிகித் ஒரு கோலும் அடித்தனர்.

இன்று (புதன்கிழமை) மாலை 5.30 மணிக்கு நடைபெறும் இறுதிப்போட்டியில் இந்தியன் வங்கி–ஐ.ஓ.பி. அணிகள் மோதுகின்றன. முன்னதாக நடைபெறும் 3–வது இடத்துக்கான ஆட்டத்தில் ஐ.சி.எப்.–தெற்கு ரெயில்வே (பிற்பகல் 3.30 மணி) அணிகள் சந்திக்கின்றன.


தொடர்புடைய செய்திகள்

1. பெண்கள் உலக ஆக்கி தொடர்: இந்திய அணி அரைஇறுதிக்கு தகுதி
பெண்கள் உலக ஆக்கி தொடர் இறுதி சுற்று போட்டி ஜப்பானில் உள்ள ஹிரோஷிமாவில் நடந்து வருகிறது.
2. பெண்கள் ஜூனியர் ஆக்கி: அயர்லாந்தை வீழ்த்தியது இந்தியா
4 அணிகள் இடையிலான பெண்கள் ஜூனியர் ஆக்கி போட்டி (21 வயதுக்குட்பட்டோர்) அயர்லாந்தின் டப்ளின் நகரில் நடந்து வருகிறது.
3. உலக ஆக்கி தொடர் இறுதி சுற்று: இந்திய அணி அறிவிப்பு
உலக ஆக்கி தொடர் இறுதி சுற்று போட்டி ஒடிசா மாநிலம் புவனேஸ்வரத்தில் ஜூன் 6–ந் தேதி முதல் 15–ந் தேதி வரை நடக்கிறது.
4. ஆக்கி தொடர்: ஆஸ்திரேலிய ‘ஏ’ அணியை வீழ்த்தியது இந்தியா
ஆஸ்திரேலிய ‘ஏ’ அணிக்கு எதிரான ஆக்கி போட்டியில் இந்திய அணி 3–0 என்ற கோல் கணக்கில் வெற்றி பெற்றது.
5. தென்கொரியா போட்டி தொடர்: இந்திய பெண்கள் ஆக்கி அணி அறிவிப்பு
இந்திய பெண்கள் ஆக்கி அணி வருகிற 20–ந் தேதி முதல் தென்கொரியாவில் சுற்றுப்பயணம் செய்து அந்த நாட்டு அணியுடன் 3 ஆட்டங்கள் கொண்ட தொடரில் விளையாடுகிறது.