ஹாக்கி

உலக ஆக்கி தொடர் இறுதி சுற்று: இந்தியா-ரஷியா அணிகள் இன்று மோதல் + "||" + The final round of the world hockey series: India-Russia teams today collide

உலக ஆக்கி தொடர் இறுதி சுற்று: இந்தியா-ரஷியா அணிகள் இன்று மோதல்

உலக ஆக்கி தொடர் இறுதி சுற்று: இந்தியா-ரஷியா அணிகள் இன்று மோதல்
உலக ஆக்கி தொடர் இறுதி சுற்று போட்டியில் இன்று நடைபெறும் ஆட்டத்தில் இந்தியா-ரஷியா அணிகள் மோதுகின்றன.
புவனேசுவரம்,

2-வது உலக ஆக்கி தொடர் இறுதி சுற்று போட்டி ஒடிசா மாநிலம் புவனேசுவரத்தில் இன்று (வியாழக்கிழமை) முதல் 16-ந் தேதி வரை நடக்கிறது.

இதில் பங்கேற்கும் 8 அணிகள் 2 பிரிவாக பிரிக்கப்பட்டுள்ளன. ‘ஏ’ பிரிவில் இந்தியா, போலந்து, ரஷியா, உஸ்பெகிஸ்தான் அணிகளும், ‘பி’ பிரிவில் தென்ஆப்பிரிக்கா, ஜப்பான், அமெரிக்கா, மெக்சிகோ அணிகளும் இடம் பெற்றுள்ளன.


இதில் ஒவ்வொரு அணியும் மற்ற அணியுடன் தலா ஒரு முறை மோத வேண்டும். லீக் முடிவில் ஒவ்வொரு பிரிவிலும் முதலிடம் பிடிக்கும் அணிகள் நேரடியாக அரைஇறுதிக்கு முன்னேறும். 2-வது, 3-வது இடம் பெறும் அணிகள் அடுத்த பிரிவில் 2-வது, 3-வது இடம் பிடித்த அணிகளுடன் ஒரு ஆட்டத்தில் மோத வேண்டும், அதில் வெற்றி பெறும் அணிகள் அரைஇறுதிக்குள் நுழையும். இந்த போட்டி தொடரில் முதல் 2 இடங்களை பிடிக்கும் அணிகள் ஒலிம்பிக் தகுதி சுற்று போட்டிக்கு தேர்வாகும்.

தொடக்க நாளான இன்று 3 லீக் ஆட்டங்கள் நடைபெறுகிறது. காலை 8.45 மணிக்கு நடைபெறும் முதல் லீக் ஆட்டத்தில் தென்ஆப்பிரிக்கா- அமெரிக்கா அணியும், மாலை 5 மணிக்கு நடைபெறும் ஆட்டத்தில் போலந்து-உஸ்பெகிஸ்தான் அணியும், இரவு 7 மணிக்கு நடைபெறும் ஆட்டத்தில் இந்தியா-ரஷியா அணியும் மோதுகின்றன.

உலக தரவரிசையில் 22-வது இடத்தில் இருக்கும் ரஷியாவுக்கு எதிரான இந்த ஆட்டத்தில் தரவரிசையில் 5-வது இடத்தில் இருக்கும் இந்திய அணி எளிதில் வெற்றி பெறும் என்று எதிர்பார்க்கப்படுகிறது.

போட்டி குறித்து இந்திய அணியின் கேப்டன் மன்பிரீத் சிங் அளித்த பேட்டியில், ‘ஆட்டத்தை வெற்றிகரமாக முடிப்பதில் எங்களுக்கு பிரச்சினை இருக்கிறது. இந்த விஷயத்தில் கடந்த 3 வாரமாக கவனம் செலுத்தி பயிற்சி மேற்கொண்டுள்ளோம். போட்டியின் கடைசி கட்டத்தில் தவறு செய்வதை தவிர்க்க வேண்டியது அவசியமானதாகும். கடைசி நிமிடங்களில் கோல் வாங்காமல் இருப்பதில் எச்சரிக்கையாக செயல்பட வேண்டும். இந்த போட்டிக்கு நன்றாக தயாராகி இருக்கிறோம். முதலிடத்தை பிடிக்க முடியும் என்று நம்புகிறோம்’ என்று தெரிவித்தார்.


தொடர்புடைய செய்திகள்

1. பாகிஸ்தான் வான்வெளியில் பிரதமர் மோடியின் விமானம் பறக்க தடை விதிப்பு
பாகிஸ்தான் வான்வெளியில் பிரதமர் மோடியின் விமானம் பறக்க அந்நாட்டு அரசு தடை விதித்துள்ளது.
2. பாக். வான்பரப்பு வழியாக பிரதமர் மோடியின் விமானம் பயணிக்க இந்தியா அனுமதி கோரியிருப்பதாக தகவல்
பாகிஸ்தான் வான்பரப்பு வழியாக பிரதமர் மோடி செல்லும் விமானம் பயணிக்க இந்தியா அனுமதி கோரி உள்ளதாக தகவல்கள் வெளியாகியுள்ளன.
3. சவுதி எண்ணெய் ஆலைகளில் தாக்குதல் எதிரொலி: இந்தியாவில் பெட்ரோல், டீசல் விலை உயரும் அபாயம்
சவுதி எண்ணெய் ஆலைகள் தாக்குதலுக்கு உள்ளாகி இருப்பதால், இந்தியாவில் பெட்ரோல், டீசல் விலை உயரும் அபாயம் ஏற்பட்டு உள்ளதாக எண்ணெய் நிறுவனங்கள் கூறியுள்ளன.
4. ஆசிய கைப்பந்து: இந்தியா தோல்வி
ஆசிய கைப்பந்து போட்டியில், சீனாவுக்கு எதிரான ஆட்டத்தில் இந்தியா தோல்வியடைந்தது.
5. போர் ஏற்பட்டால் பாகிஸ்தான் இறுதி மூச்சு வரை போராடும் - இம்ரான் கான்
போர் ஏற்பட்டால் பாகிஸ்தான் இறுதி மூச்சு வரை போராடும் என்று முசாபராபாத் நகரில் நடைபெற்ற கூட்டத்தில் இம்ரான் கான் பேசினார்.