‘ஏ’ டிவிசன் ஆக்கி லீக்: திருமால் அகாடமி வெற்றி

சென்னை,

சென்னை ஆக்கி சங்கம் சார்பில் ‘ஏ’ டிவிசன் ஆக்கி லீக் போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் நேற்று நடந்த ஆட்டம் ஒன்றில் திருமால் அகாடமி அணி 4-1 என்ற கோல் கணக்கில் சிவலிங்கம் நினைவு கிளப் அணியை தோற்கடித்தது. திருமால் அகாடமி அணியில் ஸ்ரீராம் 3 கோல்கள் அடித்தார். மற்றொரு ஆட்டத்தில் அண்ணா நினைவு அணி 2-1 என்ற கோல் கணக்கில் அடையார் யங்ஸ்டர் அணியை வீழ்த்தியது.