ஜூனியர் பெண்கள் ஆக்கி: இந்திய அணியிடம் நியூசிலாந்து தோல்வி


ஜூனியர் பெண்கள் ஆக்கி: இந்திய அணியிடம் நியூசிலாந்து தோல்வி
x
தினத்தந்தி 7 Dec 2019 10:45 PM GMT (Updated: 7 Dec 2019 10:45 PM GMT)

ஜூனியர் பெண்கள் ஆக்கி போட்டியில், இந்திய அணியிடம் நியூசிலாந்து தோல்வியை தழுவியது.

கான்பெர்ரா,

இந்தியா, ஆஸ்திரேலியா, நியூசிலாந்து ஜூனியர் பெண்கள் அணிகள் இடையிலான ஆக்கி போட்டி ஆஸ்திரேலியாவில் நடந்து வருகிறது. இதில் கான்பெர்ராவில் நேற்று நடந்த 3-வது லீக் ஆட்டத்தில் இந்திய அணி, நியூசிலாந்தை எதிர்கொண்டது. 4-வது நிமிடத்தில் நியூசிலாந்து அணிக்கு பெனால்டி கார்னர் வாய்ப்பு கிடைத்தது. அதனை பயன்படுத்தி அந்த அணி வீராங்கனை ஆலிவியா ஷனோன் கோல் அடித்தார். பின்னர் தாக்குதல் ஆட்டத்தை தீவிரப்படுத்திய இந்திய அணி ஆதிக்கம் செலுத்தியது. முடிவில் இந்திய அணி 4-1 என்ற கோல் கணக்கில் நியூசிலாந்தை வீழ்த்தி 2-வது வெற்றியை ருசித்தது. இந்திய அணி தரப்பில் ஷர்மிளா தேவி 12-வது, 43-வது நிமிடத்திலும், பியூட்டி டுங்டுங் 27-வது நிமிடத்திலும், லால்ரின்டிகி 48-வது நிமிடத்திலும் கோல் அடித்தனர். நியூசிலாந்துக்கு எதிரான முந்தைய லீக் ஆட்டத்தில் இந்திய அணி 2-0 என்ற கோல் கணக்கில் வென்று இருந்தது. இன்று நடைபெறும் ஆட்டத்தில் இந்திய அணி, ஆஸ்திரேலியாவை சந்திக்கிறது.

Next Story