‘ஏ’ டிவிசன் லீக் ஆக்கி: அரைஇறுதியில் ரிசர்வ் வங்கி அணி

சென்னை,

சென்னை ஆக்கி சங்கம் சார்பில் ‘ஏ’ டிவிசன் லீக் ஆக்கி போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் நேற்று நடந்த ஸ்டேட் வங்கி-யுனிவர்சல் ஆக்கி கிளப் அணிகள் இடையிலான பரபரப்பான கால்இறுதி அட்டம் 2-2 என்ற கோல் கணக்கில் சமனில் முடிந்தது. இதையடுத்து கடைபிடிக்கப்பட்ட பெனால்டி ஷூட்-அவுட் முடிவில் ஸ்டேட் வங்கி அணி 2-1 என்ற கோல் கணக்கில் வெற்றி பெற்று அரைஇறுதிக்கு முன்னேறியது. ரிசர்வ் வங்கி-மெட்ராஸ் தேசிய ஸ்போர்ட்ஸ் கிளப் இடையிலான ஆட்டமும் 4-4 என்ற கோல் கணக்கில் சமன் ஆனது. பிறகு பெனால்டி ஷூட்-அவுட்டில் ரிசர்வ் வங்கி 3-2 என்ற கோல் கணக்கில் வெற்றி பெற்று அரைஇறுதியை எட்டியது.