‘ஏ’ டிவிசன் லீக் ஆக்கி: இறுதிப்போட்டியில் எஸ்.டி.ஏ.டி.- ஸ்டேட் வங்கி

சென்னை,

சென்னை ஆக்கி சங்கம் சார்பில் ‘ஏ’ டிவிசன் லீக் ஆக்கி போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் நேற்று நடந்த அரைஇறுதி ஆட்டத்தில் எஸ்.டி.ஏ.டி. அணி 9-0 என்ற கோல் கணக்கில் ரிசர்வ் வங்கி அணியை பந்தாடி இறுதிப்போட்டிக்குள் நுழைந்தது. எஸ்.டி.ஏ.டி. வீரர் தங்கபாண்டி 4 கோல்கள் அடித்தார். மற்றொரு அரைஇறுதியில் ஸ்டேட் வங்கி 1-0 என்ற கோல் கணக்கில் தபால்துறை அணியை தோற்கடித்தது. வெற்றிக்குரிய கோலை 22-வது நிமிடத்தில் சுதன், பெனால்டி கார்னர் வாய்ப்பை பயன்படுத்தி அடித்தார்.

நாளை (செவ்வாய்கிழமை) நடக்கும் இறுதி ஆட்டத்தில் எஸ்.டி.ஏ.டி.- ஸ்டேட் வங்கி (பிற்பகல் 3.30 மணி) அணிகள் மோதுகின்றன.