நியூசிலாந்துக்கு எதிரான ஆக்கி: இந்திய பெண்கள் அணி வெற்றி

ஆக்லாந்து,

இந்திய பெண்கள் ஆக்கி அணி, நியூசிலாந்தில் சுற்றுப்பயணம் செய்து விளையாடியது. இந்தியா-நியூசிலாந்து பெண்கள் அணிகள் இடையிலான கடைசி ஆக்கி போட்டி ஆக்லாந்தில் நேற்று நடந்தது. விறுவிறுப்பான இந்த ஆட்டத்தில் இந்திய அணி 3-0 என்ற கோல் கணக்கில் நியூசிலாந்தை வீழ்த்தியது. இந்திய அணியில் நவ்னீத் கவுர் 45-வது மற்றும் 58-வது நிமிடத்திலும், ஷர்மிளா 54-வது நிமிடத்திலும் கோல் அடித்தனர். நியூசிலாந்து தொடரில் 5 ஆட்டத்தில் ஆடிய இந்திய அணி, நியூசிலாந்து மேம்பாட்டு அணி, இங்கிலாந்து மற்றும் நியூசிலாந்து அணிகளை தலா ஒரு முறை வீழ்த்தியது. நியூசிலாந்து அணியிடம் 2 முறை தோல்வியை சந்தித்தது.