புரோ லீக் ஆக்கி போட்டியில் இந்தியா-ஆஸ்திரேலியா இன்று மோதல்

இந்த நிலையில் இந்திய அணி தனது அடுத்த ஆட்டங்களில் முன்னாள் உலக சாம்பியனும், 2-ம் நிலை அணியுமான ஆஸ்திரேலியாவை இன்றும், நாளையும் புவனேசுவரத்தில் உள்ள கலிங்கா ஸ்டேடியத்தில் எதிர்கொள்கிறது. இந்தியாவுக்கு எதிராக கடைசியாக மோதிய 30 ஆட்டங்களில் 22-ல் ஆஸ்திரேலியா வெற்றி கண்டுள்ளது. 2016-ம் ஆண்டுக்கு பிறகு இந்தியாவிடம் தோற்றதில்லை. இருப்பினும் உலக சாம்பியனை வீழ்த்திய உத்வேகத்துடன் உள்ள இந்திய அணி உள்ளூர் ரசிகர்களின் ஆதரவுடன் ஆஸ்திரேலியாவுக்கு கடும் நெருக்கடி கொடுக்கும் என்று நம்பலாம். இரவு 7 மணிக்கு தொடங்கும் இந்த ஆட்டத்தை ஸ்டார் ஸ்போர்ட்ஸ்1 சேனல் நேரடி ஒளிபரப்பு செய்கிறது.