புதுடெல்லி,

இந்திய ஹாக்கி அணி சர்வதேச ஹாக்கி கூட்டமைப்பின் புரோ லீக் மற்றும் அடுத்த ஆண்டு டோக்கியோவில் நடைபெறும் ஒலிம்பிக் போட்டிகளில் பங்கேற்பதற்காக தயாராகி வருகிறது.  இதற்காக தலைமை பயிற்சியாளர் கிரகாம் ரீட் தலைமையில் கர்நாடகாவின் பெங்களூரு நகரில் உள்ள இந்திய விளையாட்டு கழகத்தில் பயிற்சி அளிக்கப்படுகிறது.

இந்த பயிற்சியில் ஈடுபட்டுள்ள இந்திய ஹாக்கி அணி கேப்டன் மன்பிரீத் சிங், சர்வதேச ஆடவர் தினத்தினை முன்னிட்டு சிறப்பு செய்தி ஒன்றை வீடியோவாக பதிவு செய்து இன்று பகிர்ந்துள்ளார்.  அதில் அவர், ஓர் உண்மையான ஆண் என்பவன் மற்றவர்கள் தன்னை பற்றி என்ன நினைப்பார்களோ என்று கவலை கொள்ளமாட்டான்.

எது சரியோ அதனை செய்வான்.  தனது குடும்பம் மற்றும் அன்புக்குரிய நபர்களுக்கு எப்பொழுதும் நன்மையானவற்றையே செய்வான்.  சர்வதேச ஆடவர் தின வாழ்த்துகள் என தெரிவித்து உள்ளார்.