<
தேசிய பெண்கள் சீனியர் ஹாக்கி சாம்பியன்ஷிப் :தங்க பதக்கம் வென்றது மத்திய பிரதேச அணி.
மத்திய பிரதேச அணி 1-0 என்ற கணக்கில் அரியானா அணியை வீழ்த்தி தங்க பதக்கத்தை தட்டி சென்றது
உத்தரப்பிரதேசம்
11 வது தேசிய பெண்கள் சீனியர் ஹாக்கி சாம்பியன்ஷிப் உத்தரப்பிரதேச மாநிலம் ஜான்சியில் கடந்த மாதம் தொடங்கியது. லீக் சுற்று போட்டிகளின் முடிவில் மத்தியபிரதேசம் , அரியானா ,பஞ்சாப் ,மகாராஷ்டிரா அணிகள் அரையிறுதி சுற்றுக்கு முன்னேறின.
அரையிறுதி போட்டிகளின் முடிவில் மத்தியபிரதேசம் , அரியானா அணிகள் இறுதி சுற்றுக்கு முன்னேறியது. இந்த தொடரின் இறுதி போட்டி நேற்று நடைபெற்றது. நேற்று நடந்த இறுதி போட்டியில் மத்திய பிரதேச அணியின் நிதி கெர்கெட்டா ஆட்டத்தின் 9 வது நிமிடத்தில் முதல் கோல் அடித்தார்.
இதற்கு பதில் கோல் அடிக்க முடியாமல் அரியானா வீராங்கனைகள் திணறினர். பரபரப்பாக நடைபெற்ற இந்த போட்டியில் இறுதி வரை அரியானா அணியால் கோல் அடிக்க முடியவில்லை. இதனால் மத்திய பிரதேச அணி 1-0 என்ற கணக்கில் அரியானா அணியை வீழ்த்தி தங்க பதக்கத்தை தட்டி சென்றது. அரியானா அணி வெள்ளி பதக்கத்தை வென்றது.
வெண்கல பதக்கத்திற்கான மற்றொரு போட்டியில் பஞ்சாப் மற்றும் மராட்டிய அணிகள் மோதின . இந்த போட்டியில் பஞ்சாப் அணி 2-1 என்ற கணக்கில் மராட்டிய அணியை வீழ்த்தி வெண்கல பதக்கத்தை வென்றது .
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
