ஆசிய சாம்பியன்ஸ் டிராபி ஹாக்கி: முதல் போட்டியில் தென்கொரிய அணியை சந்திக்கிறது இந்தியா


ஆசிய சாம்பியன்ஸ் டிராபி ஹாக்கி: முதல் போட்டியில் தென்கொரிய அணியை சந்திக்கிறது இந்தியா
x
தினத்தந்தி 13 Dec 2021 9:35 AM GMT (Updated: 13 Dec 2021 9:35 AM GMT)

டிசம்பர் 17 அன்று பாகிஸ்தான் அணியை எதிர்கொள்கிறது இந்தியா.

டாக்கா ,

2021 ஆம் ஆண்டுக்கான  ஆண்கள் ஆசிய சாம்பியன்ஸ் டிராபி ஹாக்கி போட்டிகள் நாளை வங்காளதேசத்தில் தொடங்குகிறது. 6 அணிகள் பங்கேற்கும் இந்த தொடர் டிசம்பர் 22 ஆம் தேதி முடிவடைகிறது. இது வரை இந்த தொடரில் இந்திய அணி 3 முறை கோப்பை வென்றுள்ளது.

ஒலிம்பிக் வெண்கலப் பதக்கம் வென்ற இந்திய ஆண்கள் ஹாக்கி அணி இந்த தொடரின் முதல் போட்டியில் நாளை தென்கொரிய அணியை சந்திக்கிறது.அதைத் தொடர்ந்து டிசம்பர் 15 ஆம் தேதி நடைபெறும் போட்டியில் வங்கதேச அணியை சந்திக்கிறது. இந்திய அணி தனது  மூன்றாவது போட்டியில்  டிசம்பர் 17 அன்று பாகிஸ்தான் அணியை எதிர்கொள்கிறது.

அதன் பிறகு டிசம்பர் 19 ஆம் தேதி நடைபெறும் போட்டியில்  வலுவான  ஜப்பான் அணியை எதிர்கொள்கிறது இந்திய அணி. அரையிறுதி மற்றும் இறுதிப் போட்டிகள் முறையே டிசம்பர் 21 மற்றும் 22 ஆகிய தேதிகளில் நடைபெறும் என தெரிவிக்கப்பட்டுள்ளது.


Next Story