பிற விளையாட்டு

தேசிய சீனியர் கைப்பந்து கேரளா, ரெயில்வே அணிகள் ‘சாம்பியன்’ + "||" + National Senior Volleyball Kerala, Railway teams 'champion'

தேசிய சீனியர் கைப்பந்து கேரளா, ரெயில்வே அணிகள் ‘சாம்பியன்’

தேசிய சீனியர் கைப்பந்து கேரளா, ரெயில்வே அணிகள் ‘சாம்பியன்’
66–வது தேசிய சீனியர் கைப்பந்து சாம்பியன்ஷிப் போட்டி கேரள மாநிலம் கோழிக்கோட்டில் நடந்தது.

கோழிக்கோடு,

66–வது தேசிய சீனியர் கைப்பந்து சாம்பியன்ஷிப் போட்டி கேரள மாநிலம் கோழிக்கோட்டில் நடந்தது. இதில் கடைசி நாளான நேற்று நடந்த ஆண்கள் பிரிவு இறுதிப்போட்டியில் நடப்பு சாம்பியன் கேரளா அணி 24–26, 25–23, 25–19, 25–21 என்ற செட் கணக்கில் இந்தியன் ரெயில்வே அணியை வீழ்த்தி மீண்டும் சாம்பியன் பட்டத்தை தனதாக்கியது. முன்னதாக நடந்த 3–வது இடத்துக்கான ஆட்டத்தில் சர்வீசஸ் அணி 26–24, 25–23, 20–25, 25–23 என்ற செட் கணக்கில் தமிழக அணியை சாய்த்து 3–வது இடத்தை பிடித்தது.

பெண்கள் பிரிவில் நடந்த இறுதிப்போட்டியில் நடப்பு சாம்பியனான இந்தியன் ரெயில்வே அணி, கேரளாவை சந்தித்தது. பரபரப்பான இந்த ஆட்டத்தில் ரெயில்வே அணி 25–21, 26–28, 21–15, 25–18, 15–12 என்ற செட் கணக்கில் கேரளாவை போராடி வீழ்த்தி மீண்டும் சாம்பியன் பட்டத்தை கைப்பற்றியது. முன்னதாக நடந்த 3–வது இடத்துக்கான ஆட்டத்தில் மராட்டிய அணி 18–25, 25–18, 20–25, 25–23, 15–10 என்ற செட் கணக்கில் தமிழக அணியை வீழ்த்தி 3–வது இடத்தை சொந்தமாக்கியது. பின்னர் நடந்த பரிசளிப்பு விழாவில் இந்திய கைப்பந்து சம்மேளன பொதுச்செயலாளர் ராமவ்தார்சிங் ஜாக்கர், துணைத் தலைவர்கள் எஸ்.வாசுதேவன், ரதின்ராய் சவுத்ரி ஆகியோர் கலந்து கொண்டு வெற்றி பெற்ற அணிகளுக்கு பரிசு கோப்பை மற்றும் பதக்கம் வழங்கினார்கள்.



தொடர்புடைய செய்திகள்

1. பாம்பனில் புதிய ரெயில்வே தூக்குப் பாலம் கட்டப்படும் - ரெயில்வே அதிகாரி பேட்டி
பாம்பனில் புதிய ரெயில்வே தூக்குப்பாலம் கட்டப்படும் எனவும் இந்த பணி ஒரு வருடத்தில் முடிக்க திட்டமிடப்பட்டுள்ளதாகவும் ரெயில்வே கட்டுமான பிரிவு செயல் இயக்குனர் தெரிவித்தார்.
2. பாளையங்கோட்டையில் அடுத்தடுத்து சம்பவம் ரெயிலில் அடிபட்டு 2 பேர் பலி
நெல்லையில் அடுத்தடுத்த சம்பவங்களில் ரெயிலில் அடிபட்டு 2 பேர் பலியானார்கள்.
3. அடிப்படை வசதியில்லா பாசஞ்சர் ரெயில்கள்
மானாமதுரை–மன்னார்குடி மற்றும் விருதுநகர்–திருச்சி பாசஞ்சர் ரெயில்களில் அடிப்படை வசதியில்லாததால் பயணிகள் அவதியடைந்து வருகின்றனர்.
4. ராமேசுவரம்–பரமக்குடி இடையே ரெயில்வே ‘கேட்’களை மூடும் போது எச்சரிக்கை மணி
விபத்தை தடுக்கும் பொருட்டு ராமேசுவரம்–பரமக்குடி இடையேயான ரெயில்வே கேட்களில் எச்சரிக்கை மணி அமைக்கப்பட்டுள்ளது.
5. அகில இந்திய ஆக்கி: இறுதிப்போட்டியில் ரெயில்வே–இந்தியன் ஆயில்
சென்னையில் நடைபெறும் அகில இந்திய ஆக்கி போட்டியில் ரெயில்வே, இந்தியன் ஆயில் அணிகள் இறுதிப்போட்டிக்கு முன்னேறின.