பிற விளையாட்டு

ஆசிய மல்யுத்த போட்டியில் இந்திய வீராங்கனை நவ்ஜோத் கவுர் தங்கம் வென்று சரித்திரம் படைத்தார் + "||" + Asian Wrestling Match Navjot Kaur of the Indian team Gold won and made history

ஆசிய மல்யுத்த போட்டியில் இந்திய வீராங்கனை நவ்ஜோத் கவுர் தங்கம் வென்று சரித்திரம் படைத்தார்

ஆசிய மல்யுத்த போட்டியில் இந்திய வீராங்கனை நவ்ஜோத் கவுர் தங்கம் வென்று சரித்திரம் படைத்தார்
ஆசிய சீனியர் மல்யுத்த சாம்பியன்ஷிப் போட்டி கிர்கிஸ்தான் நாட்டில் நடந்து வருகிறது.

பிஷ்கெக்,

ஆசிய சீனியர் மல்யுத்த சாம்பியன்ஷிப் போட்டி கிர்கிஸ்தான் நாட்டில் நடந்து வருகிறது. இதில் நேற்று நடந்த பெண்களுக்கான பிரீஸ்டைல் 65 கிலோ உடல் எடைப்பிரிவு இறுதிப்போட்டியில் இந்திய வீராங்கனை நவ்ஜோத் கவுர், ஜப்பான் வீராங்கனை மியா இமாய்யை சந்தித்தார். இதில் தொடக்கம் முதலே நவ்ஜோத் கவுரின் கையே ஓங்கி இருந்தது. தன்னை கிடுக்கி பிடி போட்டு சாய்க்க முயற்சித்த மியா இமாய்யின் தலையை நவ்ஜோத் கவுர் மூன்று, நான்கு முறை பிடித்து நிமிர முடியாத அளவுக்கு தரையோடு அமுக்கி புள்ளிகளை குவித்தார். முடிவில் நவ்ஜோத் கவுர் 9–1 என்ற புள்ளி கணக்கில் மியா இமாய்யை எளிதில் தோற்கடித்து தங்கப்பதக்கத்தை கைப்பற்றினார். இதன் மூலம் பஞ்சாப்பை சேர்ந்த 28 வயதான நவ்ஜோத் கவுர், ஆசிய சீனியர் மல்யுத்த போட்டியில் தங்கப்பதக்கம் வென்ற முதல் இந்திய வீராங்கனை என்ற சரித்திர சாதனையை படைத்தார். 62 கிலோ எடைப்பிரிவில் ரியோ ஒலிம்பிக் போட்டியில் வெண்கலப்பதக்கம் வென்ற இந்திய வீராங்கனை சாக்ஷி மாலிக் 10–7 என்ற புள்ளி கணக்கில் கஜகஸ்தான் வீராங்கனை அயாலின் காஸ்யோமாவாவை வீழ்த்தி வெண்கலப்பதக்கம் பெற்றார். இந்த போட்டியில் இந்திய அணி இதுவரை ஒரு தங்கம், ஒரு வெள்ளி, 4 வெண்கலப்பதக்கம் வென்று இருக்கிறது.

புதிய வரலாறு படைத்த நவ்ஜோத் கவுர் அளித்த பேட்டியில், ‘இந்த நாளுக்காக தான் நீண்ட நாட்கள் காத்து இருந்தேன். மல்யுத்த போட்டியில் கால் பதித்தது முதல் எனது வாழ்க்கையில் மிகச்சிறந்த நாள் இது தான். எந்தவித நெருக்கடியும் இன்றி இயல்பாக செயல்பட வேண்டும் என்று முடிவுடன் களம் கண்டு அதனை சாதித்து இருக்கிறேன். ஆசிய போட்டியில் தங்கம் வென்ற முதல் இந்திய மங்கை என்பதை நினைத்து பெருமிதம் அடைகிறேன்’ என்று தெரிவித்தார்.



தொடர்புடைய செய்திகள்

1. காட்பாடியில் ஆசிரியையிடம் நூதனமுறையில் 16 பவுன் சங்கிலி அபேஸ் போலீஸ் போன்று நடித்து மர்மநபர்கள் துணிகரம்
காட்பாடியில் போலீஸ் போன்று நடித்து நூதனமுறையில் அரசுப்பள்ளி ஆசிரியையிடம் 16 பவுன் சங்கிலியை பறித்துச்சென்ற மர்மநபர்களை போலீசார் தேடி வருகின்றனர்.
2. பாளையங்கோட்டை அருகே துணிகரம் வீடு புகுந்து மூதாட்டியை தாக்கி 7 பவுன் சங்கிலி பறிப்பு மர்ம நபருக்கு போலீசார் வலைவீச்சு
பாளையங்கோட்டை அருகே வீடு புகுந்து மூதாட்டியை தாக்கி 7 பவுன் சங்கிலியை பறித்து சென்ற மர்ம நபரை போலீசார் தேடிவருகின்றனர்.
3. திருக்கோவிலூரில் சம்பவம் : நகைக்கடையில் ரூ.5½ லட்சம் தங்கம், வெள்ளி திருட்டு - 2 ஊழியர்கள் கைது
திருக்கோவிலூரில் உள்ள ஒரு நகைக்கடையில் ரூ.5½ லட்சம் மதிப்புள்ள தங்கம், வெள்ளி பொருட்களை திருடிய ஊழியர்கள் 2 பேரை போலீசார் கைது செய்தனர்.
4. இலங்கையில் இருந்து மதுரைக்கு விமானத்தில் கடத்திவரப்பட்ட ரூ.45 லட்சம் தங்கம் பறிமுதல்
இலங்கையில் இருந்து மதுரைக்கு விமானத்தில் கடத்திவரப்பட்ட ரூ.45 லட்சம் தங்கத்தை மத்திய சுங்க இலாகா வருவாய் நுண்ணறிவு பிரிவினர் பறிமுதல் செய்தனர்.
5. மலேசியாவில் இருந்து சென்னைக்கு எமர்ஜென்சி விளக்கில் மறைத்து ரூ.36 லட்சம் தங்கம் கடத்தல்
மலேசியாவில் இருந்து சென்னைக்கு எமர்ஜென்சி விளக்குகளில் மறைத்து வைத்து கடத்தி வரப்பட்ட ரூ.36 லட்சம் மதிப்புள்ள தங்கத்தை சுங்கஇலாகா அதிகாரிகள் பறிமுதல் செய்தனர்.