பிற விளையாட்டு

கண்கவர் கலைநிகழ்ச்சிகளுடன் காமன்வெல்த் போட்டி கோலாகலமாக தொடங்கியது + "||" + The Commonwealth Games began with festive performances

கண்கவர் கலைநிகழ்ச்சிகளுடன் காமன்வெல்த் போட்டி கோலாகலமாக தொடங்கியது

கண்கவர் கலைநிகழ்ச்சிகளுடன் காமன்வெல்த் போட்டி கோலாகலமாக தொடங்கியது
கண்கவர் கலைநிகழ்ச்சிகளுடன் காமன்வெல்த் விளையாட்டு போட்டி ஆஸ்திரேலியாவின் கோல்டு கோஸ்ட் நகரில் நேற்று தொடங்கியது.
கோல்ட்கோஸ்ட்,

உலகின் 3-வது மிகப்பெரிய விளையாட்டு திருவிழாவான 21-வது காமன்வெல்த் விளையாட்டு போட்டி ஆஸ்திரேலியாவின் கடற்கரை நகரான கோல்ட்கோஸ்டில் நேற்று தொடங்கியது. இங்கிலாந்தின் ஆதிக்கத்தின் கீழ் இருந்த நாடுகளை ஒருங்கிணைத்து நடத்தப்படும் இந்த போட்டியில் 71 நாடுகளை சேர்ந்த 4,500 வீரர், வீராங்கனைகள் பங்கேற்றுள்ளனர். இந்தியா சார்பில் 218 வீரர், வீராங்கனைகள் அனுப்பப்பட்டுள்ளனர்.

தொடக்க விழா அங்குள்ள காரரா ஸ்டேடியத்தில் கோலாகலமாக நடைபெற்றது. ரசிகர்களை பிரமிக்க வைக்கும் வகையில் லேசர் ஒளிவெள்ளத்துக்கு மத்தியில் வித்தியாசமான நடனங்கள் அரங்கேறின. ஆஸ்திரேலியாவின் பாரம்பரியத்தையும், முன்னோர்களின் வாழ்க்கை முறையையும் பிரதிபலிக்கும் வகையில் நிகழ்ச்சிகள் அமைந்தன.

போட்டியின் சிறப்பு அம்சமாக 71 நாடுகளை சேர்ந்த வீரர், வீராங்கனைகள் தங்கள் நாட்டு தேசிய கொடியுடன் மிடுக்குடன் அணிவகுத்து வந்தனர். ஒலிம்பிக்கில் வெள்ளிப்பதக்கம் வென்ற பேட்மிண்டன் மங்கை பி.வி.சிந்து இந்திய அணிக்கு தலைமை தாங்கி தேசிய கொடியுடன் கம்பீரமாக அணிவகுத்து வந்தார். நமது வீரர், வீராங்கனைகள் பேண்ட் மற்றும் கோட் அணிந்திருந்தனர்.

அதன் பிறகு ‘குயின் பேட்டன்’ தொடர் ஓட்டமாக ஸ்டேடியத்திற்குள் எடுத்து வரப்பட்டது. தடை ஓட்ட உலக சாம்பியன் ஆஸ்திரேலியாவின் சாலி பியர்சன் அதை இங்கிலாந்து இளவரசர் சார்லசிடம் வழங்கினார். அதைத் தொடர்ந்து போட்டி தொடங்குவதாக இளவரசர் சார்லஸ் முறைப்படி அறிவித்தார். 2 மணி நேரம் நடந்த விழாவின் இறுதியில் வண்ணமயமான வாணவேடிக்கையும் இடம் பெற்றது. விழா நிகழ்ச்சி, மழையால் சிறிது நேரம் பாதிப்புக்குள்ளானது.

இதற்கிடையே, ஆஸ்திரேலியாவின் பழங்குடியின மக்கள் இந்த போட்டிக்கு எதிர்ப்பு தெரிவித்து ஸ்டேடியத்தின் வெளிப்பகுதியில் ஆர்ப்பாட்டத்தில் ஈடுபட்டனர். நமது இடத்தை ஆக்கிரமித்து நம்மை அடிமைப்படுத்தியதற்காக இப்படியொரு கொண்டாட்டமா? என்று கோஷங்கள் எழுப்பினர்.

நேற்றைய நாளில் தொடக்க விழா மட்டுமே நடைபெற்றது. போட்டிகள் இன்று இந்திய நேரப்படி அதிகாலை 4.30 மணிக்கு தொடங்கி நடைபெறும். பளுதூக்குதலில் உலக சாம்பியனான இந்தியாவின் மீராபாய் சானு (48 கிலோ எடைப்பிரிவு) இன்று களம் இறங்குகிறார். அவர் இந்தியாவின் பதக்க வேட்டையை ஆரம்பித்து வைப்பாார் என்று எதிர்பார்ப்பு நிலவுகிறது. இந்த போட்டியில் பங்கேற்றுள்ள இந்திய அணிக்கு பிரதமர் மோடி உள்பட பலரும் வாழ்த்து தெரிவித்துள்ளனர்.


தொடர்புடைய செய்திகள்

1. சோகம் நிரம்பி வழியும் குட்டித் தீவு நாடு!
அழகிய குட்டித் தீவு நாடான நவ்ருவில், சோகம் நிரம்பி வழிகிறது.
2. சாம்பியன்ஸ் கோப்பை ஆக்கி: இறுதி ஆட்டத்தில் ஆஸ்திரேலியா சாம்பியன்
சாம்பியன்ஸ் கோப்பை ஆக்கியில், இந்திய அணிக்கு எதிரான இறுதி ஆட்டத்தில் ஆஸ்திரேலியா சாம்பியன் பட்டம் வென்றது.
3. தமிழ்நாட்டில் இருந்து கடத்தப்பட்ட மேலும் 7 சிலைகள் மீட்கப்படுகின்றன
தமிழகத்திலிருந்து ஆஸ்திரேலியாவுக்கு கடத்தப்பட்டுள்ள மேலும் 7 சிலைகள் மீட்கப்பட இருக்கிறது.
4. தமிழகத்தில் இருந்து கடத்தப்பட்ட 7 சிலைகளை ஒப்படைக்க தயார்: ஆஸ்திரேலியா
தமிழகத்தில் இருந்து ஆஸ்திரேலியாவுக்கு கடத்தப்பட்டு விற்கப்பட்ட 7 சிலைகளை ஒப்படைக்க தயார் என ஆஸ்திரேலியா தூதர் ஒப்புதல் அளித்துள்ளார்.
5. ஆஸ்திரேலியாவில் இருந்து நிபா வைரஸ் சிகிச்சைக்கான மருத்து கேரளா வந்தது என தகவல்
ஆஸ்திரேலியாவில் இருந்து நிபா வைரஸ் சிகிச்சைக்கான மருந்து கேரளா வந்து உள்ளது என தகவல் வெளியாகியது. #Nipah