பிற விளையாட்டு

பாரா ஆசிய விளையாட்டு போட்டி: கடைசி நாளில் இந்தியாவுக்கு மேலும் 2 தங்கம் + "||" + Para Asian Games Competition: On the last day 2 more gold for India

பாரா ஆசிய விளையாட்டு போட்டி: கடைசி நாளில் இந்தியாவுக்கு மேலும் 2 தங்கம்

பாரா ஆசிய விளையாட்டு போட்டி: கடைசி நாளில் இந்தியாவுக்கு மேலும் 2 தங்கம்
பாரா ஆசிய விளையாட்டு போட்டியில் கடைசி நாளான நேற்று இந்தியா மேலும் 2 தங்கப்பதக்கம் வென்றது.

ஜகர்தா, 

பாரா ஆசிய விளையாட்டு போட்டியில் கடைசி நாளான நேற்று இந்தியா மேலும் 2 தங்கப்பதக்கம் வென்றது.

பேட்மிண்டனில் 2 தங்கம்

3–வது பாரா ஆசிய விளையாட்டு போட்டி இந்தோனேஷியா தலைநகர் ஜகர்தாவில் நடந்தது. கடந்த 6–ந் தேதி தொடங்கிய இந்த போட்டியில் கடைசி நாளான நேற்று இந்தியா மேலும் 2 தங்கம் மற்றும் 3 வெண்கலப்பதக்கம் வென்றது. பேட்மிண்டன் போட்டியின் ஆண்கள் ஒற்றையர் பிரிவு இறுதி ஆட்டத்தில் இந்திய வீரர் பிரமோத் பகத் 21–19, 15–21, 21–14 என்ற செட் கணக்கில் இந்தோனேஷியா வீரர் உகுன் ருகான்டியை வீழ்த்தி தங்கப்பதக்கத்தை தனதாக்கினார்.

இதேபோல் பேட்மிண்டன் போட்டியின் மற்றொரு பிரிவில் நடந்த ஆண்கள் ஒற்றையர் இறுதி ஆட்டத்தில் இந்திய வீரர் தருண் 21–16, 21–6 என்ற நேர்செட்டில் சீன வீரர் யுயாங் காவை சாய்த்து தங்கப்பதக்கத்தை கைப்பற்றினார். இந்திய வீரர்கள் மனோஜ் சர்கார் (ஒற்றையர் பிரிவு), பிரமோத் பகத்–மனோஜ் சர்கார் (இரட்டையர் பிரிவு), ஆனந்தகுமார்–நிதேஷ் குமார் (இரட்டையர் பிரிவு) ஆகியோர் பேட்மிண்டன் போட்டியில் வெண்கலப்பதக்கம் பெற்றனர்.

இந்தியா 72 பதக்கம் வென்றது

பாரா ஆசிய விளையாட்டு போட்டி கண்கவர் கலைநிகழ்ச்சிகளுடன் நேற்று நிறைவு பெற்றது. இந்த போட்டியில் இந்தியா 15 தங்கம், 24 வெள்ளி, 33 வெண்கலம் என்று மொத்தம் 72 பதக்கங்கள் வென்று 9–வது இடத்தை பிடித்தது. பாரா ஆசிய விளையாட்டு போட்டியில் இந்தியாவின் சிறந்த செயல்பாடு இதுவாகும். இதற்கு முன்பு 2014–ம் ஆண்டில் இந்தியா 33 பதக்கங்கள் வென்றதே (3 தங்கம், 14 வெள்ளி, 16 வெண்கலம்) அதிகபட்சமாக இருந்தது. சீனா 172 தங்கம், 88 வெள்ளி, 59 வெண்கலம் என்று மொத்தம் 319 பதக்கங்கள் வென்று பதக்கபட்டியலில் முதலிடத்தை பிடித்தது.



தொடர்புடைய செய்திகள்

1. திருச்சி விமான நிலையத்தில் ரூ.16 லட்சம் கடத்தல் தங்கம் பறிமுதல் மலேசிய பெண் பயணி சிக்கினார்
திருச்சி விமான நிலையத்தில் ரூ.16 லட்சம் கடத்தல் தங்கம் பறிமுதல் செய்யப்பட்டது. சிக்கிய மலேசிய பெண் பயணியிடம் விசாரணை நடந்து வருகிறது.
2. சிகிச்சைக்கு செலவழித்ததாக ஏமாற்றி உடல்நிலை பாதித்த மூதாட்டியிடம் 75 பவுன் நகை மோசடி; உறவினர்கள் மீது புகார்
சிகிச்சைக்கு செலவழித்ததாக ஏமாற்றி 75 பவுன் நகையை மோசடி செய்ததாக உறவினர்கள் மீது உடல்நிலை பாதித்த மூதாட்டி புகார் கொடுத்தார்.
3. துபாயில் இருந்து மதுரைக்கு கடத்திய ரூ.4 லட்சம் தங்கம் பறிமுதல்; ராமநாதபுரத்தை சேர்ந்தவர் சிக்கினார்
துபாயில் இருந்து மதுரைக்கு கடத்திய ரூ.4 லட்சம் தங்கத்தை போலீசார் பறிமுதல் செய்தனர்.
4. சவுதி அரேபிய, இலங்கை, சார்ஜா ஆகிய நாடுகளில் இருந்து சென்னைக்கு கடத்தப்பட்ட ரூ.27½ லட்சம் மதிப்புள்ள தங்கம் பறிமுதல்
சவுதி அரேபிய, இலங்கை, சார்ஜா ஆகிய நாடுகளில் இருந்து சென்னைக்கு கடத்தப்பட்ட ரூ.27½ லட்சம் மதிப்புள்ள தங்கம் பறிமுதல் செய்யப்பட்டது.
5. திருச்சி விமான நிலையத்தில் ரூ.7 லட்சம் கடத்தல் தங்கம் பறிமுதல் பெண் உள்பட 2 பேரிடம் விசாரணை
திருச்சி விமானநிலையத்தில் ரூ.7 லட்சம் மதிப்புள்ள கடத்தல் தங்கம் பறிமுதல் செய்யப்பட்டது. இது தொடர்பாக பெண் உள்பட 2 பேரிடம் அதிகாரிகள் விசாரணை நடத்தி வருகிறார்கள்.