துளிகள்

* இந்தியன் சூப்பர் லீக் கால்பந்து தொடரில் (ஐ.எஸ்.எல்.) கொச்சியில் நேற்றிரவு அரங்கேறிய கேரளா பிளாஸ்டர்ஸ் – ஜாம்ஷெட்பூர் எப்.சி. அணிகள் இடையிலான லீக் ஆட்டம் 1–1 என்ற கோல் கணக்கில் டிராவில் முடிந்தது. இன்றைய ஆட்டத்தில் நார்த் ஈஸ்ட் யுனைடெட் (கவுகாத்தி) –பெங்களூரு அணிகள் (இரவு 7.30 மணி) மோதுகின்றன.

*6–வது புரோ கபடி லீக் போட்டி பல்வேறு நகரங்களில் நடந்து வருகிறது. இதில் டெல்லியில் நேற்றிரவு நடந்த 94–வது லீக் ஆட்டத்தில் குஜராத் பார்ச்சுன் ஜெயன்ட்ஸ் அணி 45–27 என்ற புள்ளி கணக்கில் நடப்பு சாம்பியன் பாட்னா பைரட்சை தோற்கடித்து 12–வது வெற்றியை சுவைத்தது. இதன் மூலம் ‘ஏ’ பிரிவில் 68 புள்ளிகளுடன் குஜராத் அணி அடுத்த சுற்று வாய்ப்பை (பிளேஆப் சுற்று) உறுதி செய்தது. இந்த பிரிவில் ஏற்கனவே மும்பை அணி அடுத்த சுற்றுக்கு தகுதி பெற்று விட்டது. மற்றொரு ஆட்டத்தில் தபாங் டெல்லி அணி 34–29 என்ற புள்ளி கணக்கில் தெலுங்கு டைட்டன்சை சாய்த்தது. இன்றைய ஆட்டங்களில் அரியானா ஸ்டீலர்ஸ்–பெங்கால் வாரியர்ஸ் (இரவு 8 மணி), தபாங் டெல்லி–பெங்களூரு புல்ஸ் (இரவு 9 மணி) அணிகள் சந்திக்கின்றன.