பிற விளையாட்டு

புரோ கபடி லீக்: இறுதிப்போட்டிக்கு முன்னேறும் 2–வது அணி எது? குஜராத்–உ.பி.யோத்தா அணிகள் இன்று மோதல் + "||" + Pro Kabaddi League: Which team is the 2nd team to advance to the final?

புரோ கபடி லீக்: இறுதிப்போட்டிக்கு முன்னேறும் 2–வது அணி எது? குஜராத்–உ.பி.யோத்தா அணிகள் இன்று மோதல்

புரோ கபடி லீக்: இறுதிப்போட்டிக்கு முன்னேறும் 2–வது அணி எது? குஜராத்–உ.பி.யோத்தா அணிகள் இன்று மோதல்
புரோ கபடி லீக் போட்டி தொடரில் இறுதிப்போட்டிக்கு முன்னேறும் 2–வது அணி எது? என்பதை நிர்ணயிக்கும் 2–வது தகுதி சுற்று ஆட்டத்தில் இன்று குஜராத் பார்ச்சுன் ஜெயன்ட்ஸ்–உ.பி.யோத்தா அணிகள் மோதுகின்றன.

மும்பை,

புரோ கபடி லீக் போட்டி தொடரில் இறுதிப்போட்டிக்கு முன்னேறும் 2–வது அணி எது? என்பதை நிர்ணயிக்கும் 2–வது தகுதி சுற்று ஆட்டத்தில் இன்று குஜராத் பார்ச்சுன் ஜெயன்ட்ஸ்–உ.பி.யோத்தா அணிகள் மோதுகின்றன.

புரோ கபடி லீக்

6–வது புரோ கபடி லீக் தொடர் இறுதி கட்டத்தை எட்டி விட்டது. 12 அணிகள் பங்கேற்றுள்ள இந்த போட்டியில் லீக் ஆட்டங்கள் முடிவில் 6 அணிகள் ‘பிளே–ஆப்’ சுற்றுக்கு முன்னேறின.

இறுதிப்போட்டிக்கு முந்தைய முதலாவது தகுதி சுற்று ஆட்டத்தில் பெங்களூரு புல்ஸ் அணி, குஜராத் பார்ச்சுன் ஜெயன்ட்ஸ் அணியை வீழ்த்தி முதல் அணியாக இறுதிப்போட்டிக்குள் அடியெடுத்து வைத்தது.

குஜராத்–உ.பி.யோத்தா இன்று மோதல்

இந்த நிலையில் மும்பையில் இன்று (வியாழக்கிழமை) இரவு நடைபெறும் இறுதிப்போட்டிக்கான 2–வது தகுதி சுற்று ஆட்டத்தில் சுனில் குமார் தலைமையிலான குஜராத் பார்ச்சுன் ஜெயன்ட்ஸ்–ரிஷாங் தேவாடிகா தலைமையிலான உ.பி.யோத்தா அணிகள் பலப்பரீட்சை நடத்துகின்றன.

லீக் சுற்றில் தட்டுத் தடுமாறி ‘பிளே–ஆப்’ சுற்றுக்குள் தடம் பதித்த உ.பி.யோத்தா அணி வெளியேற்றுதல் சுற்று ஆட்டங்களில் முன்னாள் சாம்பியன் மும்பை, தபாங் டெல்லி அணிகளை அடுத்தடுத்து வீழ்த்தி அசத்தி 2–வது தகுதி சுற்றுக்குள் நுழைந்து இருக்கிறது. இந்த கடைசி தடையை தாண்டினால் உ.பி.யோத்தா அணி இறுதிப்போட்டிக்குள் அடியெடுத்து வைக்க முடியும். கடைசி 8 ஆட்டங்களில் தோல்வியை சந்திக்காத அந்த அணி தனது உத்வேகத்தை இந்த ஆட்டத்திலும் தொடர முயற்சிக்கும்.

விறுவிறுப்பு

குஜராத் பார்ச்சுன் ஜெயன்ட்ஸ் அணி லீக் ஆட்டங்களில் 17 வெற்றி, 3 தோல்வி, 2 டையுடன் தனது பிரிவில் (ஏ) முதலிடம் பிடித்தது. ஆனால் முதலாவது தகுதி சுற்றில் அந்த அணி, பெங்களூரு புல்ஸ் அணியிடம் தோல்வி கண்டு தனது முதல் வாய்ப்பை கோட்டை விட்டது. 2–வது தகுதி சுற்றில் தோல்வி கண்டால் இறுதிப்போட்டிக்குள் நுழையும் வாய்ப்பை இழக்க வேண்டி வரும் என்பதால் இந்த ஆட்டத்தில் குஜராத் அணி வெற்றிக்காக மல்லுக்கட்டும். கடைசி ஆட்டத்தில் குஜராத் அணியின் தற்காப்பு ஆட்டத்தில் சரிவு கண்டதே அந்த அணியின் தோல்விக்கு காரணமாக அமைந்தது. அந்த தவறை சரி செய்து புத்துணர்ச்சியுடன் களம் காணும். இரு அணிகளும் வெற்றிக்காக கடுமையாக போராடும் என்பதால் இந்த ஆட்டத்தில் விறுவிறுப்புக்கு குறைவு இருக்காது.

இந்த சீசனில் இரு அணிகளும் ஒரே ஒரு முறை லீக் ஆட்டத்தில் நேருக்கு நேர் சந்தித்துள்ளன. அதில் குஜராத் அணி 37–32 என்ற புள்ளி கணக்கில் உ.பி.யோத்தாவை வீழ்த்தி இருந்தது. இரவு 8 மணிக்கு தொடங்கும் இந்த போட்டியை ஸ்டார் ஸ்போர்ட்ஸ் சேனல் நேரடியாக ஒளிபரப்பு செய்கிறது.