கனடா ஓபன் பேட்மிண்டன்: அரைஇறுதியில் காஷ்யப்

கால்கேரி,

கனடா ஓபன் பேட்மிண்டன் போட்டி கால்கேரியில் நடந்து வருகிறது. இதில் ஆண்கள் ஒற்றையர் பிரிவு கால்இறுதி ஆட்டம் ஒன்றில் இந்திய வீரர் காஷ்யப் 12-21, 23-21, 24-22 என்ற செட் கணக்கில் பிரான்ஸ் வீரர் லூகாஸ் சிலார்பவுட்டை வீழ்த்தி அரைஇறுதிக்கு முன்னேறினார். இந்த ஆட்டம் 1 மணி 16 நிமிடம் நீடித்தது. அரைஇறுதியில் காஷ்யப், சீன தைபே வீரர் வாங் சூ வெய்யை எதிர்கொள்கிறார். மற்றொரு கால்இறுதி ஆட்டத்தில் இந்திய வீரர் சவுரப் வர்மா 38 நிமிடத்தில் 15-21, 11-21 என்ற நேர்செட்டில் சீன வீரர் லி ஷி பெங்கிடம் தோல்வி கண்டு வெளியேறினார்.