மாவட்ட செய்திகள்

மாநில அளவிலான துப்பாக்கி சுடுதல் போட்டியில் ராயல் புதுக்கோட்டை ஸ்போர்ட்ஸ் கிளப் சாம்பியன் + "||" + Royal Pudukkottai Sports Club Champion in the statewide shooter competition

மாநில அளவிலான துப்பாக்கி சுடுதல் போட்டியில் ராயல் புதுக்கோட்டை ஸ்போர்ட்ஸ் கிளப் சாம்பியன்

மாநில அளவிலான துப்பாக்கி சுடுதல் போட்டியில் ராயல் புதுக்கோட்டை ஸ்போர்ட்ஸ் கிளப் சாம்பியன்
மாநில அளவிலான துப்பாக்கி சுடுதல் போட்டியில் ராயல் புதுக்கோட்டை ஸ்போர்ட்ஸ் கிளப் சாம்பியன் பட்டத்தை வென்றது.
புதுக்கோட்டை,

புதுக்கோட்டை மன்னர் ராஜகோபால தொண்டைமான், தி ராயல் புதுக்கோட்டை ஸ்போர்ட்ஸ் கிளப் என்ற அமைப்பை நிறுவி நடத்தி வருகிறார். இந்த அமைப்பும், தமிழ்நாடு துப்பாக்கி சுடுதல் சங்கமும் இணைந்து நடத்திய மாநில அளவிலான 45-வது துப்பாக்கி சுடுதல் போட்டி புதுக்கோட்டை மாவட்டம் கீரனூர் அருகே உள்ள ஆவாரங்குடிபட்டியில் உள்ள புதுக்கோட்டை மகாராஜா துப்பாக்கி சுடும் தளத்தில் கடந்த 29-ந் தேதி தொடங்கியது.


போட்டியில் மாநிலம் முழுவதும் இருந்து 275-க்கும் மேற்பட்ட வீரர், வீராங்கனைகள் கலந்து கொண்டு, பறந்து சென்ற தட்டுகளை துப்பாக்கி தோட்டாக்களால் சுட்டு வீழ்த்தினர். இதில் சிங்கிள் டிராப், டபுள் டிராப், ஸ்கீத் மற்றும் மிக்ஸடு ஆகிய 4 பிரிவுகளில் போட்டிகள் நடைபெற்றது.

பதக்கங்கள்-சான்றிதழ்கள்

இதில் சர்வதேச வீரரான பிரித்விராஜ் தொண்டைமான் சிங்கிள் டிராப் பிரிவில் 50 தோட்டாக்களுக்கு 49 தோட்டாக்கள் மூலம் பறக்கும் தட்டை சுட்டு வீழ்த்தி புதிய சாதனை படைத்தார். இதேபோல டபுள் டிராப் பெண்கள் பிரிவில் புவனா ஸ்ரீ 60 தோட்டாக்களுக்கு 27 தோட்டாக்கள் மூலம் பறக்கும் தட்டை சுட்டு வீழ்த்தி புதிய சாதனை படைத்தார். மாநில அளவிலான இந்த போட்டியில் சிங்கிள் டிராப், டபுள் டிராப், ஸ்கீத் ஆகிய 3 பிரிவுகளிலும் அதிக புள்ளிகளை பெற்று ராயல் புதுக்கோட்டை ஸ்போர்ட்ஸ் கிளப் சாம்பியன் பட்டத்தை தட்டிச் சென்றது. இதேபோல ஒட்டுமொத்த சாம்பியன் பட்டத்தையும் ராயல் புதுக்கோட்டை ஸ்போர்ட்ஸ் கிளப் தட்டிச் சென்றது. மிக்ஸடு பிரிவில் அதிக புள்ளிகள் பெற்று சென்னை ரைபிள் கிளப் சாம்பியன் பட்டத்தை பெற்றது.

போட்டிகள் முடிந்ததும் பரிசளிப்பு விழா நடைபெற்றது. விழாவில் தேசிய வீரரும், இந்திய ஒலிம்பிக் சங்க நிர்வாகியும், தமிழ்நாடு துப்பாக்கி சுடுதல் சங்க தலைவருமான டி.வி.சீதாராமராவ், முன்னாள் ஐ.ஏ.எஸ். அதிகாரி கற்பூர சுந்தரபாண்டியன், தமிழ்நாடு துப்பாக்கி சுடுதல் சங்க செயலாளர் ரவிகிருஷ்ணன் ஆகியோர் கலந்து கொண்டு போட்டிகளில் வெற்றி பெற்ற வீரர், வீராங்கனைகளுக்கு தங்க பதக்கம், வெள்ளி பதக்கம், வெண்கல பதக்கம் மற்றும் சான்றிதழ்களை வழங்கினார்கள்.

சுழற்கோப்பை

மேலும் ராயல் புதுக்கோட்டை ஸ்போர்ட்ஸ் கிளப் சிங்கிள் டிராப் பிரிவில் சாம்பியன் பட்டம் பெற்றதற்கு டாக்டர் பா.சிவந்தி ஆதித்தனார் நினைவு சுழற்கோப்பையும், ஸ்கீத் பிரிவில் சாம்பியன் பட்டம் பெற்றதற்கு டி.டி.அப்பாராவ் சுழற்கோப்பையும், டபுள் டிராப் பிரிவில் சாம்பியன் பட்டம் பெற்றதற்கு நாமஸிகண்ணன் சுழற்கோப்பையும், ஒட்டுமொத்த சாம்பியன் பட்டம் பெற்றதற்கு புதுக்கோட்டை மகாராஜா சுழற்கோப்பையும் தமிழ்நாடு துப்பாக்கி சுடுதல் சங்க தலைவர் டி.வி.சீதாராமராவ், முன்னாள் ஐ.ஏ.எஸ். அதிகாரி கற்பூர சுந்தரபாண்டியன், தமிழ்நாடு துப்பாக்கி சுடுதல் சங்க செயலாளர் ரவிகிருஷ்ணன் ஆகியோர் சேர்ந்து வழங்கினார்கள்.

இதை ராயல் புதுக்கோட்டை ஸ்போர்ட்ஸ் கிளப்பின் தலைவர் ராஜகோபால தொண்டைமான், பிரித்விராஜ் தொண்டைமான், ராதா நிரஞ்சனி ராஜாயி உள்ளிட்ட சக அணி வீரர், வீராங்கனைகள் இணைந்து பெற்று கொண்டனர். இதில் ராயல் புதுக்கோட்டை ஸ்போர்ட்ஸ் கிளப் தலைவர் ராஜகோபால தொண்டைமான், பிரித்விராஜ் தொண்டைமான், ராதா நிரஞ்சனி ராஜாயி, திருச்சி முன்னாள் மேயர் சாருபாலா தொண்டைமான், ஜமீல், பாகிம் மற்றும் ரைபிள் கிளப் நிர்வாகிகள் பலர் கலந்து கொண்டனர். 

தொடர்புடைய செய்திகள்

1. உள்ளாட்சி தேர்தலில் அ.ம.மு.க. போட்டியிடும் - டி.டி.வி.தினகரன்
உள்ளாட்சி தேர்தலில் அ.ம.மு.க. போட்டியிடும் என்று நிர்வாகிகள் கூட்டத்தில் பொதுச்செயலாளர் டி.டி.வி.தினகரன் கூறினார்.
2. மாநில கராத்தே போட்டி 600 வீரர், வீராங்கனைகள் பங்கேற்பு
தண்டர் விளையாட்டு கழகம், தண்டர் யோகா மையம், தஞ்சை டெல்டா ரோட்டரி சங்கம் ஆகியவை சார்பில் மாநில அளவிலான கராத்தே போட்டி மற்றும் யோகாசன போட்டி தஞசையில் நேற்று நடந்தது.
3. திருச்சியில் மாநில அளவிலான கால்பந்து போட்டி 32 அணிகள் பங்கேற்பு
மாநில அளவிலான எழுவர் கால்பந்து போட்டி திருச்சி கல்லுக்குழி ரெயில்வே மைதானத்தில் நேற்று தொடங்கியது.
4. தஞ்சையில் மாவட்ட கேரம் விளையாட்டு போட்டி 19-ந் தேதி நடக்கிறது
தஞ்சையில் மாவட்ட அளவிலான கேரம் விளையாட்டு போட்டி வருகிற 19-ந் தேதி நடக்கிறது.
5. பெரும்பாறை அருகே, வீட்டில் பதுக்கி வைத்திருந்த துப்பாக்கி, வெடிமருந்து பறிமுதல் - தொழிலாளி கைது
பெரும்பாறை அருகே வீட்டில் பதுக்கி வைத்திருந்த துப்பாக்கி, வெடிமருந்தை போலீசார் பறிமுதல் செய்தனர். இது தொடர்பாக கூலித்தொழிலாளி கைது செய்யப்பட்டார்.

ஆசிரியரின் தேர்வுகள்...