சீன ஓபன் பேட்மிண்டன்: ஸ்பெயின் வீராங்கனை கரோலினா மரின் பட்டத்தை தக்க வைத்தார்

சாங்ஜோவ்,

சீன ஓபன் பேட்மிண்டன் போட்டி சாங்ஜோவில் நடந்தது. இதில் பெண்கள் ஒற்றையர் பிரிவில் நேற்று நடந்த இறுதிப்போட்டியில் ஒலிம்பிக் சாம்பியனான ஸ்பெயின் வீராங்கனை கரோலினா மரின், தரவரிசையில் 4-வது இடத்தில் உள்ள சீன தைபே வீராங்கனை தாய் யிங்கை சந்தித்தார். 65 நிமிடம் நீடித்த இந்த ஆட்டத்தில் நடப்பு சாம்பியன் கரோலினா மரின் 14-21, 21-17, 21-18 என்ற செட் கணக்கில் தாய் யிங்கை வீழ்த்தி சாம்பியன் பட்டத்தை தக்க வைத்தார். ஆண்கள் ஒற்றையர் பிரிவு இறுதிப்போட்டியில் நம்பர் ஒன் வீரரான ஜப்பானின் கென்டோ மோமோதா 19-21, 21-17, 21-19 என்ற செட் கணக்கில் இந்தோனேஷியா வீரர் அந்தோணி சினிசுகாவை வீழ்த்தி சாம்பியன் பட்டத்தை தனதாக்கினார்.