சீன ஓபன் பேட்மிண்டன்: அரைஇறுதியில் இந்திய ஜோடி தோல்வி

புஜோவ்,

சீன ஓபன் பேட்மிண்டன் போட்டி புஜோவ் நகரில் நடந்து வருகிறது. இதில் நேற்று நடந்த ஆண்கள் இரட்டையர் பிரிவின் அரைஇறுதி ஆட்டம் ஒன்றில் இந்தியாவின் சாத்விக்சாய்ராஜ் ரங்கி ரெட்டி-சிராக் ஷெட்டி ஜோடி, நம்பர் ஒன் இணையான மார்கஸ் பெர்னால்டி ஜிடோன்-கெவின் சஞ்சயா சுகாமுல்ஜோவை (இந்தோனேஷியா) சந்தித்தது. 40 நிமிடம் நடந்த இந்த ஆட்டத்தில் சாத்விக் சாய்ராஜ்-சிராக் ஷெட்டி ஜோடி 16-21, 20-22 என்ற நேர்செட்டில் தோல்வி கண்டு வெளியேறியது. இதன் மூலம் இந்த போட்டியில் இந்தியாவின் சவால் முடிவுக்கு வந்தது.