மேரிகோம், சிந்து, ஜாகீர்கான் உள்பட 8 விளையாட்டு பிரபலங்களுக்கு பத்ம விருது

புதுடெல்லி,

பல்வேறு துறைகளில் சாதித்தவர்களுக்கு மத்திய அரசு நேற்று பத்ம விருதுகளை அறிவித்தது. இதில் விளையாட்டுத்துறையைச் சேர்ந்த 8 பேர் கவுரவிக்கப்படுகிறார்கள்.

உலக குத்துச்சண்டையில் 6 முறை மகுடம் சூடி சரித்திரம் படைத்த குத்துச்சண்டை வீராங்கனை மேரிகோம் பத்ம விபூஷண் விருது பெறுகிறார். மணிப்பூரைச் சேர்ந்த 36 வயதான மேரிகோம் ஏற்கனவே பத்ம ஸ்ரீ (2006-ம் ஆண்டு), பத்ம பூஷண் (2013-ம் ஆண்டு) விருதுகளை பெற்று இருக்கிறார்.

உலக பேட்மிண்டனில் தங்கப்பதக்கத்தை உச்சிமுகர்ந்த ஒரே இந்தியரும், ரியோ ஒலிம்பிக்கில் வெள்ளிப்பதக்கம் வென்றவருமான பேட்மிண்டன் வீராங்கனை பி.வி.சிந்துவுக்கு பத்ம பூஷண் விருது அறிவிக்கப்பட்டு உள்ளது.