பிற விளையாட்டு

இந்திய கபடி அணி அனுமதி பெறாமல் பாகிஸ்தானுக்கு சென்றதால் சர்ச்சை + "||" + Controversy over Indian Kabaddi team's move to Pakistan without permission

இந்திய கபடி அணி அனுமதி பெறாமல் பாகிஸ்தானுக்கு சென்றதால் சர்ச்சை

இந்திய கபடி அணி அனுமதி பெறாமல் பாகிஸ்தானுக்கு சென்றதால் சர்ச்சை
இந்திய கபடி அணி அனுமதி பெறாமல் பாகிஸ்தானுக்கு சென்றது சர்ச்சையை கிளப்பியுள்ளது.
புதுடெல்லி, 

7-வது உலக கபடி சாம்பியன்ஷிப் போட்டி (சர்க்கிள் ஸ்டைல்) பாகிஸ்தானில் இன்று தொடங்குகிறது. பாகிஸ்தானில் முதல்முறையாக அரங்கேறும் இந்த போட்டியில் பங்கேற்பதற்காக இந்திய கபடி அணி வாகா எல்லை வழியாக லாகூருக்கு சென்றுள்ளது. இந்தியா சார்பில் வெளிநாட்டில் நடக்கும் எந்த ஒரு சர்வதேச போட்டிக்கும் செல்லும் போது மத்திய அரசின் அனுமதியை பெற வேண்டியது அவசியமாகும். அதுவும் பாகிஸ்தானுக்கு என்றால் கட்டாயம் ஒப்புதல் பெற வேண்டும். 

ஆனால் இந்த போட்டிக்கு இந்திய கபடி அணி எந்தவித அனுமதியும் பெறாமல் சென்றுள்ளதாக மத்திய விளையாட்டு அமைச்சக வட்டாரங்கள் தெரிவித்துள்ளன. இதனால் சர்ச்சை வெடித்துள்ளது. இது குறித்து இந்திய அமெச்சூர் கபடி சம்மேளன நிர்வாகி எஸ்.பி.கார்க் கூறுகையில், ‘பாகிஸ்தானுக்கு கபடி அணி சென்றது குறித்து எங்களிடம் எந்த தகவலும் இல்லை. நாங்கள் எந்த கபடி அணிக்கும் அனுமதி கொடுக்கவில்லை. இது போன்ற நடவடிக்கைகளை நாங்கள் ஒரு போதும்ஆதரிக்க மாட்டோம். தவறு செய்தவர்கள் மீது சட்டப்பூர்வ நடவடிக்கை எடுக்கப்பட வாய்ப்புள்ளது’ என்றார்.

இந்திய வீரர்கள் பாகிஸ்தான் எல்லைக்குள் நுழைந்ததும் அவர்களுக்கு மாலை அணிவித்து வரவேற்பு அளிக்கப்பட்டது. பின்னர் பலத்த பாதுகாப்புடன் அழைத்து செல்லப்பட்டு லாகூரில் உள்ள ஓட்டலில் தங்கவைக்கப்பட்டனர். ஆஸ்திரேலியா, இங்கிலாந்து, ஜெர்மனி, ஈரான், கனடா உள்ளிட்ட அணிகளும் இந்த போட்டியில் பங்கேற்க இருப்பதாக போட்டி அமைப்பாளர்கள் தெரிவித்துள்ளனர்.

தொடர்புடைய செய்திகள்

1. பாகிஸ்தானில் காஷ்மீர் குறித்த பேச்சு: "தலையிட வேண்டாம்" துருக்கி ஜனாதிபதிபதிக்கு இந்தியா கண்டனம்
பாகிஸ்தானில் பயணம் மேற்கொண்டபோது ஜம்மு-காஷ்மீர் குறித்து துருக்கி ஜனாதிபதி எர்டோகன் தெரிவித்த கருத்துக்களுக்கு இந்தியா கண்டனம் தெரிவித்துள்ளது.
2. ஹபீஸ் சயீதுக்கு தண்டனை: பாகிஸ்தானின் நடவடிக்கை மீது இந்தியா சந்தேகம்?
ஹபீஸ் சயீதுக்கு தண்டனை வழங்கிய பாகிஸ்தானின் நடவடிக்கை குறித்து இந்தியா எச்சரிக்கையாக உள்ளது
3. “இந்தியா-பாகிஸ்தான் இடையே நடக்கும் மோதல்” - டெல்லி தேர்தல் குறித்து பா.ஜனதா வேட்பாளர் “டுவிட்டர்” பதிவால் சர்ச்சை
இந்தியா-பாகிஸ்தான் இடையே நடக்கும் மோதல் என டெல்லி தேர்தல் குறித்து பா.ஜனதா வேட்பாளர் வெளியிட்ட “டுவிட்டர்” பதிவால் சர்ச்சை எழுந்துள்ளது.
4. ஜம்மு காஷ்மீர் இந்தியாவின் முடிவுக்கு பதிலளிக்க பாகிஸ்தான் விருப்பம் - அமெரிக்க சிஆர்எஸ் அறிக்கை
ஜம்மு காஷ்மீர் தொடர்பான இந்தியாவின் முடிவுக்கு பதிலளிக்க பாகிஸ்தானுக்கு விருப்பம் உள்ளது என அமெரிக்க பாராளுமன்றத்தின் ஆராய்ச்சி அறிக்கை கூறுகிறது.
5. சுதந்திரத்துக்கு பிறகு பாகிஸ்தானில் வசிக்க காந்தி விரும்பினார்: எம்.ஜே.அக்பர் எழுதிய புத்தகத்தில் தகவல்
சுதந்திரத்துக்கு பிறகு பாகிஸ்தானில் வசிக்க காந்தி விரும்பியதாக, எம்.ஜே.அக்பர் எழுதிய புத்தகத்தில் தகவல் தெரிவிக்கப்பட்டுள்ளது.