பிற விளையாட்டு

ஆசிய மல்யுத்த சாம்பியன்ஷிப்: ரவி தாஹியா தங்கம் வென்றார் + "||" + Ravi Tahiya wins gold in Asian Wrestling Championship

ஆசிய மல்யுத்த சாம்பியன்ஷிப்: ரவி தாஹியா தங்கம் வென்றார்

ஆசிய மல்யுத்த சாம்பியன்ஷிப்: ரவி தாஹியா தங்கம் வென்றார்
ஆசிய மல்யுத்த சாம்பியன்ஷிப் போட்டியில், ரவி தாஹியா தங்கம் வென்றார்.
புதுடெல்லி,

ஆசிய மல்யுத்த சாம்பியன்ஷிப் போட்டி டெல்லியில் நடந்து வருகிறது. இதில் 65 கிலோ எடைப்பிரிவில் இந்திய நட்சத்திர வீரரும், நடப்பு சாம்பியனுமான பஜ்ரங் பூனியா, தொடக்ககட்ட சுற்றுகளில் அபாரமாக விளையாடி இறுதிப்போட்டிக்கு வந்தார். ஆனால் இறுதி ஆட்டத்தில் அவர் 2-10 என்ற புள்ளி கணக்கில் ஜப்பானின் தகுட்டோ ஒட்டோகுரோவிடம் பணிந்தார். 2018-ம் ஆண்டு உலக சாம்பியன்ஷிப் இறுதி ஆட்டத்திலும் இதே தகுட்டோவிடம் தான் பஜ்ரங் தோற்று இருந்தது நினைவு கூரத்தக்கது. பஜ்ரங் பூனியாவுக்கு வெள்ளிப்பதக்கம் கிடைத்தது.


இதன் 57 கிலோ எடைப்பிரிவின் இறுதி ஆட்டத்தில் இந்திய வீரர் ரவி தாஹியா 10-0 என்ற புள்ளி கணக்கில் ஹிக்மாட்டுல்லோவை (தஜிகிஸ்தான்) வீழ்த்தி தங்கப்பதக்கத்தை அறுவடை செய்தார். மற்ற இந்திய வீரர்களான சத்யவாட் காடியன் (97 கிலோ), கவுரவ் பாலியன் (79 கிலோ) ஆகியோர் தங்களது இறுதி ஆட்டங்களில் தோற்று வெள்ளிப்பதக்கத்துடன் திருப்திப்பட்டு கொண்டனர்.

தொடர்புடைய செய்திகள்

1. ஆசிய மல்யுத்த சாம்பியன்ஷிப்: சாக்‌ஷிக்கு வெள்ளிப்பதக்கம்
ஆசிய மல்யுத்த சாம்பியன்ஷிப் போட்டியில், சாக்‌ஷிக்கு வெள்ளிப்பதக்கம் கிடைத்தது.