ஆல் இங்கிலாந்து பேட்மிண்டன்: சிந்து வெற்றி; ஸ்ரீகாந்த் தோல்வி

பர்மிங்காம்,

ஆல் இங்கிலாந்து ஓபன் பேட்மிண்டன் போட்டி பர்மிங்காமில் நேற்று தொடங்கியது. இதில் பெண்கள் ஒற்றையர் பிரிவின் முதலாவது சுற்று ஆட்டம் ஒன்றில் இந்திய வீராங்கனை பி.வி.சிந்து 21-14, 21-17 என்ற நேர் செட் கணக்கில் அமெரிக்காவின் பீவென் ஜாங்கை விரட்டியடித்தார். உலக சாம்பியனான சிந்து 2-வது சுற்றில் தென்கொரியாவின் சங் ஜி ஹயனை எதிர்கொள்கிறார். இருவரும் இதற்கு முன்பு 16 முறை நேருக்கு நேர் மோதி அதில் தலா 8-ல் வெற்றி பெற்றுள்ளனர்.

ஆண்கள் பிரிவில் இந்திய வீரர் ஸ்ரீகாந்த் 15-21, 16-21 என்ற நேர் செட் கணக்கில் ஒலிம்பிக் சாம்பியன் சென் லாங்கிடம் (சீனா) வீழ்ந்தார்.