‘ஏ’ டிவிசன் கைப்பந்து லீக்: எஸ்.ஆர்.எம். அணி 3-வது வெற்றி

சென்னை,

நேற்று அரும்பாக்கத்தில் உள்ள டி.ஜி.வைஷ்ணவா கல்லூரி மைதானத்தில் நடந்த லீக் ஆட்டம் ஒன்றில் எஸ்.ஆர்.எம். பல்கலைக்கழக அணி 29-27, 25-22, 25-16 என்ற நேர்செட்டில் ஐ.சி.எப். அணிக்கு அதிர்ச்சி அளித்தது. 5-வது ஆட்டத்தில் ஆடிய எஸ்.ஆர்.எம். அணி பெற்ற 3-வது வெற்றி இதுவாகும். மற்றொரு ஆட்டத்தில் இந்தியன் ஓவர்சீஸ் வங்கி அணி 19-25, 25-18, 26-24, 14-25, 15-9 என்ற செட் கணக்கில் தமிழ்நாடு போலீஸ் அணியை போராடி வீழ்த்தியது.

இந்த போட்டி இன்று முதல் எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடக்கிறது. இன்று நடைபெறும் ஆட்டங்களில் இந்தியன் ஓவர்சீஸ் வங்கி-ஐ.சி.எப். (மாலை 4.30 மணி), இந்தியன் வங்கி-தமிழ்நாடு போலீஸ் (மாலை 6 மணி) அணிகள் சந்திக்கின்றன.