பிற விளையாட்டு

விளையாட்டு துளிகள்....... + "||" + sports drops

விளையாட்டு துளிகள்.......

விளையாட்டு துளிகள்.......
விளையாட்டு துளிகள்.......
* தென்ஆப்பிரிக்க ஒரு நாள் போட்டி அணியின் கேப்டன் குயின்டான் டி காக் அளித்த ஒரு பேட்டியில், ‘அக்டோபர், நவம்பர் மாதங்களில் ஆஸ்திரேலியாவில் நடக்க இருந்த 20 ஓவர் உலக கோப்பை போட்டியில் தென்ஆப்பிரிக்க அணிக்காக டிவில்லியர்ஸ் மீண்டும் விளையாட கிட்டத்தட்ட தயாராக இருந்தார். அவர் உடல்தகுதியுடன் இருந்தால் அணியில் இடம்பெற வேண்டும் என்று விரும்பியிருப்பேன். ஆனால் இப்போது 20 ஓவர் உலக கோப்பை போட்டி தள்ளிப்போய்விட்டதால் இனி அது எப்போது நடக்கிறது என்பதை பார்க்க வேண்டும்’ என்றார். அதிரடி வீரரான டிவில்லியர்ஸ் கடந்த 2018-ம் ஆண்டு சர்வதேச கிரிக்கெட்டில் இருந்து திடீரென ஓய்வு பெற்றது குறிப்பிடத்தக்கது.


* நியூசிலாந்து கிரிக்கெட் அணியின் கேப்டனும், ஐ.பி.எல். கிரிக்கெட்டில் ஐதராபாத் சன்ரைசர்ஸ் அணிக்காக ஆடுபவருமான கேன் வில்லியம்சன் அளித்த பேட்டியில், ‘ஐ.பி.எல். போட்டியில் விளையாடுவது எப்போதும் எனக்கு பிடிக்கும். அதில் ஆடுவது வியப்புக்குரிய அனுபவமாகும். ஆனால் இன்னும் நிறைய தகவல்கள் நமக்கு வர வேண்டி உள்ளது. அதன் பிறகே இறுதி முடிவை எடுக்க முடியும். எந்த போட்டியாக இருந்தாலும் அது பாதுகாப்பாக இருக்க வேண்டியது முக்கியம்’ என்றார்.

* கொரோனா பாதிப்பு நிலைமை தொடர்ந்து நீடிக்கும் பட்சத்தில், 2021-ம் ஆண்டு டோக்கியோ ஒலிம்பிக் போட்டியை நடத்த முடியாமல் போகக் கூடும் என்று போட்டியின் ஒருங்கிணைப்பு கமிட்டி தலைவர் யோஷிரோ மோரி தெரிவித்துள்ளார். அடுத்த ஆண்டு ஒலிம்பிக் போட்டி நடப்பதில் கொரோனா தடுப்பூசி முக்கிய பங்கு வகிக்கும் என்றும் அவர் குறிப்பிட்டார்.

* 13-வது ஐ.பி.எல். கிரிக்கெட் போட்டி ஐக்கிய அரபு அமீரகத்தில் நடத்தப்பட உள்ளது. ஐ.பி.எல். போட்டிக்கு முன்பாக அங்கு இந்தியா- தென்ஆப்பிரிக்கா அணிகள் இடையே 3 போட்டிகள் கொண்ட 20 ஓவர் தொடர் நடத்தப்பட வாய்ப்பு உள்ளதாக தகவல்கள் வெளியாகியுள்ளன.

தொடர்புடைய செய்திகள்

1. விளையாட்டு துளிகள்
டெல்லி கேப்பிட்டல்ஸ் அணியின் விக்கெட் கீப்பர் ரிஷாப் பண்ட் அபுதாபியில் நேற்று முன்தினம் இரவு நடந்த மும்பை இந்தியன்ஸ் அணிக்கு எதிரான லீக் ஆட்டத்தில் களம் இறங்கவில்லை.
2. விளையாட்டு துளிகள்
பார்முலா1 கார்பந்தயத்தின் 11-வது சுற்றான இபெல் கிராண்ட்பிரி போட்டி ஜெர்மனியின் நுர்பர்க் நகரில் இன்று நடக்கிறது.
3. விளையாட்டு துளிகள்
டெல்லியில் உள்ள கர்னிசிங் துப்பாக்கி சுடுதல் ரேஞ்சில் வருகிற 15-ந் தேதி முதல் டிசம்பர் 14-ந் தேதி வரை நடைபெறும் என்று இந்திய விளையாட்டு ஆணையம் நேற்று அறிவித்தது.
4. விளையாட்டு துளிகள்......
மார்ச் 24-ந் தேதியில் இருந்து நாடு முழுவதும் நீச்சல் குளங்கள் அனைத்தும் மூடப்பட்டன.
5. விளையாட்டு துளிகள்...
கொரோனா அச்சம் காரணமாக கடந்த மார்ச் மாதத்துக்கு பிறகு நியூசிலாந்தில் சர்வதேச கிரிக்கெட் போட்டிகள் எதுவும் நடைபெறவில்லை.