விளையாட்டு துளிகள்

* கொல்கத்தாவுக்கு எதிரான ஆட்டத்தில் தோல்வி அடைந்த பிறகு பஞ்சாப் கேப்டன் லோகேஷ் ராகுல் கூறுகையில், ‘இலக்கை விரட்டும் போது எந்த ஒரு கட்டத்திலும் நாங்கள் திருப்தி அடையவில்லை. எப்போதும் வெற்றி இலக்கை அடைந்த பின்னரே திருப்தி அடைவோம். நானும், மயங்க் அகர்வாலும் நல்ல தொடக்கம் ஏற்படுத்தி கொடுத்தோம். ஆனால் கடைசி கட்டத்தில் விக்கெட்டுகளை மளமளவென பறிகொடுத்ததால் வெற்றி பெற முடியாமல் போய் விட்டது’ என்றார்.

* பார்முலா1 கார்பந்தயத்தின் 11-வது சுற்றான இபெல் கிராண்ட்பிரி போட்டி ஜெர்மனியின் நுர்பர்க் நகரில் இன்று நடக்கிறது. இதில், தகுதி சுற்றில் முதலிடம் பிடித்த வால்டெரி போட்டாசின் (பின்லாந்து) கார் முதல் வரிசையில் இருந்தும், நடப்பு சாம்பியன் லீவிஸ் ஹாமில்டனின் (இங்கிலாந்து) கார் 2-வது வரிசையில் இருந்தும் புறப்படும்.