‘ஏ’ டிவிசன் கைப்பந்து லீக்: இந்தியன் வங்கி அணி வெற்றி


‘ஏ’ டிவிசன் கைப்பந்து லீக்: இந்தியன் வங்கி அணி வெற்றி
x
தினத்தந்தி 3 March 2021 1:25 AM GMT (Updated: 3 March 2021 1:25 AM GMT)

சென்னை மாவட்ட கைப்பந்து சங்கம் சார்பில் டாக்டர் ரேலா மருத்துவ மையம் மற்றும் ஆச்சி குரூப் நிறுவனங்கள் ஆதரவுடன் ‘ஏ’ டிவிசன் கைப்பந்து லீக் சாம்பியன்ஷிப் போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நேற்று தொடங்கியது.

சென்னை, 

சென்னை மாவட்ட கைப்பந்து சங்கம் சார்பில் டாக்டர் ரேலா மருத்துவ மையம் மற்றும் ஆச்சி குரூப் நிறுவனங்கள் ஆதரவுடன் ‘ஏ’ டிவிசன் கைப்பந்து லீக் சாம்பியன்ஷிப் போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நேற்று தொடங்கியது. 10 அணிகள் பங்கேற்றுள்ள இந்த போட்டியில் நேற்று நடந்த லீக் ஆட்டம் ஒன்றில் இந்தியன் வங்கி அணி 25-19, 17-25, 22-25, 25-22, 15-11 என்ற செட் கணக்கில் சுங்க இலாகாவை வீழ்த்தியது. மற்றொரு ஆட்டத்தில் செயின்ட் ஜோசப்ஸ் அணி 25-16, 25-22, 25-20 என்ற நேர்செட்டில் பனிமலர் அணியை தோற்கடித்தது. இன்று நடைபெறும் ஆட்டங்களில் தமிழ்நாடு போலீஸ்-சுங்க இலாகா (மாலை 4.30 மணி), இந்தியன் ஓவர்சீஸ் வங்கி-பனிமலர் (மாலை 5.30 மணி) அணிகள் மோதுகின்றன. 

Next Story