பிற விளையாட்டு

ஒலிம்பிக் போட்டிக்கு 5 ஆயிரம் பதக்கங்கள் தயார் + "||" + 5 thousand medals ready for the Olympics

ஒலிம்பிக் போட்டிக்கு 5 ஆயிரம் பதக்கங்கள் தயார்

ஒலிம்பிக் போட்டிக்கு 5 ஆயிரம் பதக்கங்கள் தயார்
டோக்கியோ ஒலிம்பிக் போட்டியில் மொத்தம் 339 பந்தயங்களில் தங்கப்பதக்கம் வழங்கப்படுகிறது. அத்துடன் 2-வது, 3-வது இடம் பெறுபவர்களுக்கு முறையே வெள்ளி, வெண்கலப்பதக்கம் அளிக்கப்படும்.
குழு போட்டியில் முதலிடம் பிடிக்கும் அணியில் உள்ள அனைவரது கழுத்தையும் தங்கப்பதக்கம் அலங்கரிக்கும். குத்துச்சண்டை மற்றும் மல்யுத்த போட்டியில் அரைஇறுதியில் தோற்போருக்கு வெண்கலப்பதக்கம் வழங்கப்படும்.டோக்கியோ ஒலிம்பிக் போட்டியை தொடர்ந்து பாரா ஒலிம்பிக் போட்டியும் அங்கு ஆகஸ்டு 24-ந் தேதி தொடங்கி நடைபெறுகிறது. இந்த இரண்டு போட்டிகளுக்காக ஏறக்குறைய 5 ஆயிரம் பதக்கங்கள் கண்ணையும் கருத்தையும் கவரும் வகையில் படுஜோராக தயாரிக்கப்பட்டு வீரர், 
வீராங்கனைகளின் கழுத்தை அலங்கரிக்க தயார் நிலையில் இருக்கின்றன. வழக்கம் போல பதக்கத்தின் முன்பகுதியில் கிரேக்கத்தின் வெற்றி கடவுளான நைக்கி ஏதென்ஸ் ஸ்டேடியத்தின் முன்பு நிற்பது போன்றும், ஒலிம்பிக் வளையம் மற்றும் நடப்பு ஒலிம்பிக் போட்டியின் பெயரும் பொறிக்கப்பட்டுள்ளது. பின்புறத்தில் ஜப்பான் கலைஞர் வடிவமைத்த போட்டி சின்னம், ஒலிம்பிக் வளையம் ஆகியவை இடம் பெற்றுள்ளன.

ஒலிம்பிக் பதக்கங்களை தயாரிக்க மொத்தம் 32 கிலோ தங்கம், 3,500 கிலோ வெள்ளி, 2,200 கிலோ வெண்கலம் பயன்படுத்தப்பட்டு இருக்கின்றன. அத்துடன் பழைய செல்போன் மற்றும் கம்ப்யூட்டர், டிஜிட்டல் கேமராக்கள் உள்ளிட்ட எலக்ட்ரானிக் பொருட்கள் மறுசுழற்சி செய்யப்பட்டு அதில் இருந்து கிடைத்த உலோகங்களும் பதக்க தயாரிப்புக்கு பயன்படுத்தப்பட்டு இருக்கின்றன. இதற்காக 78,985 டன் எடைகொண்ட எலக்ட்ரானிக் பொருட்களை ஜப்பான் மக்கள் தானமாக வழங்கினார்கள். இதன் மூலம் ஒலிம்பிக் பதக்க தயாரிப்பில் அந்த நாட்டு மக்களும் பங்களிப்பை அளித்துள்ளனர்.

தொடர்புடைய செய்திகள்

1. 2036-ம் ஆண்டு ஒலிம்பிக் போட்டியை இந்தியாவில் நடத்த முயற்சி: நரிந்தர் பத்ரா
உலகின் மிகப்பெரிய விளையாட்டான ஒலிம்பிக் போட்டியை இந்தியா இதுவரை நடத்தியதில்லை. ஆனால் அதற்கான முயற்சி அவ்வப்போது நடப்பது உண்டு.
2. ஒலிம்பிக் போட்டிக்கு தயாராகும் பழங்குடியின குழந்தைகள்
டெல்லியைச் சேர்ந்த ஓட்டப்பந்தய பயிற்சியாளர் கரண் சிங். இவருக்கு ஒலிம்பிக் தடகள போட்டியில் கலந்துகொண்டு இந்தியாவிற்குத் தங்கப் பதக்கம் பெற்றுத்தர வேண்டும் என்பது வாழ்நாள் கனவு. ஆனால், தனது முழங்காலில் ஏற்பட்ட காயம் காரணமாக அவரது கனவு பாதியிலேயே கரைந்து போனது. எனினும், தனது ஆசையைக் கைவிடாத அவர் பத்து பழங்குடியின சிறுவர்-சிறுமிகளைத் தேர்வு செய்து பயிற்சியளித்து வருகிறார்.
3. ஒலிம்பிக் போட்டி இன்று முடிவடைகிறது
ஜப்பான் தலைநகர் டோக்கியோவில் நடைபெற்று வந்த ஒலிம்பிக் போட்டி இன்று முடிவடைகிறது.
4. ஒலிம்பிக்கில் பங்கேற்க உள்ள இந்திய வீரர்கள் குழுவுடன் பிரதமர் மோடி கலந்துரையாடல்
ஒலிம்பிக்கில் பங்கேற்க உள்ள இந்திய வீரர்கள் குழுவுடன் பிரதமர் மோடி கலந்துரையாடினார்.
5. ஒலிம்பிக் போட்டிகளுக்கு செல்லும் இந்திய வீரர்களுடன் பிரதமர் மோடி இன்று கலந்துரையாடல்
இந்தியாவில் இருந்து 18 விளையாட்டுப் போட்டிகளில் பங்கேற்க மொத்தம் 126 வீரர்கள் டோக்கியோ செல்ல உள்ளனர்.