இந்தோனேஷிய சூப்பர் சீரிஸ் பேட்மிண்டன்:இந்திய வீரர்கள் லக்‌ஷயா சென், காஷ்யப் தோல்வி


இந்தோனேஷிய சூப்பர் சீரிஸ் பேட்மிண்டன்:இந்திய வீரர்கள் லக்‌ஷயா சென், காஷ்யப் தோல்வி
x
தினத்தந்தி 23 Nov 2021 8:01 PM GMT (Updated: 23 Nov 2021 8:01 PM GMT)

இந்தோனேஷிய சூப்பர் சீரிஸ் பேட்மிண்டன் போட்டியில் இந்திய வீரர்கள் லக்‌ஷயா சென், காஷ்யப் தோல்வி அடைந்தனர்

பாலி, 

இந்தோனேஷிய மாஸ்டர்ஸ் பேட்மிண்டன் போட்டி பாலி நகரில் கடந்த வாரம் நடந்தது. இந்த நிலையில் மொத்தம் ரூ.6½ கோடி பரிசுத்தொகைக்கான இந்தோனேஷிய ஓபன் சூப்பர் சீரிஸ் பேட்மிண்டன் தொடர் அதே நகரில் நேற்று தொடங்கியது. இதில் ஆண்கள் ஒற்றையர் பிரிவு முதல் சுற்று ஆட்டம் ஒன்றில் இந்திய இளம் வீரர் லக்‌ஷயா சென் 21-23, 15-21 என்ற நேர் செட் கணக்கில் ‘நம்பர் ஒன்’ வீரரும், இரண்டு முறை உலக சாம்பியனுமான கென்டோ மோமோட்டாவிடம்(ஜப்பான்) போராடி பணிந்தார்.

இதே போல் இந்தியாவின் காஷ்யப் 11-21, 14-21 என்ற நேர் செட்டில் லோ கீன் யேவிடம் (சிங்கப்பூர்) தோற்று வெளியேறினார். உலக சாம்பியனான இந்திய வீராங்கனை பி.வி.சிந்து தனது முதல் சுற்றில் அயா ஒஹோரியை (ஜப்பான்) இன்று சந்திக்கிறார். முன்னாள் சாம்பியனான இந்தியாவின் ஸ்ரீகாந்த் சக நாட்டவரான பிரனாயை எதிர்கொள்கிறார்.

Next Story