டென்னிஸ்

மாட்ரிட் ஓபன் டென்னிஸ்; 34 ஆண்டுக்கால சாதனையை முறியடித்தார் நடால் + "||" + Madrid Open Tennis; Nadal broke the 34-year record

மாட்ரிட் ஓபன் டென்னிஸ்; 34 ஆண்டுக்கால சாதனையை முறியடித்தார் நடால்

மாட்ரிட் ஓபன் டென்னிஸ்; 34 ஆண்டுக்கால சாதனையை முறியடித்தார் நடால்
மாட்ரிட் ஓபன் டென்னிஸ் போட்டியில் வெற்றி பெற்று 34 ஆண்டுக்கால சாதனையை முறியடித்தார் நடால். #RafaelNadal
மாட்ரிட் ,

மாட்ரிட் ஓபன் டென்னிஸ் போட்டியில் வெற்றி பெற்றதன் மூலம் ஜான் மெக்கன்ரோவின் 34 ஆண்டுக்கால சாதனையை முறியடித்து வரலாறு படைத்தார் உலகின் முதல்நிலை வீரர் ரஃபேல் நடால்.

முன்னதாக, களிமண் தரை டென்னிஸ் மைதானத்தில் அமெரிக்காவின் ஜான் மெக்கன்ரோ தொடர்ந்து 49 செட்களை குவித்திருந்தார். இந்த சாதனையை அவர் 1984ம் ஆண்டு மாட்ரிட் ஓபன் போட்டியில் நிகழ்த்தி இருந்தார். தொடர்ந்து 34 ஆண்டுகள் இச்சாதனை முறியடிக்கப்படாமல் இருந்தது.

இந்நிலையில் ஸ்பெயினில் மாட்ரிட் ஓபன் டென்னிஸ் போட்டியில் அசத்தல் ஆட்டத்தை வெளிப்படுத்திய நடால் 6-3, 6-4 என்ற கணக்கில் அர்ஜென்டினாவின் டிகோ வார்ட்ஸ்மேனை வென்றார். இதன் மூலம் அவர் களிமண் தரையில் தொடர்ந்து 50 செட்களை வென்று மெக்கன்ரோவின் சாதனையை முறியடித்தார்.

மேலும், ‘எனது டென்னிஸ் ஆட்டம் முடிவுக்கு வரும் போது இத்தகைய சாதனைகள் தான் அனைவரது நினைவுக்கும் வரும். இவை பெரிய சாதனைகள். தொடர்ந்து 50 செட்களை வெல்வது என்பது சற்று சிரமமான ஒன்றாகும். ஆனால் நான் செய்து முடித்துள்ளேன்’ என்று நடால் கூறினார்.

கிராண்ட்ஸ்லாம் அரங்கில் 16 கோப்பைகளை நடால் வென்றுள்ளார். இதில், களிமண் தரையில் நடக்கும் பிரெஞ்ச் ஓபன் தொடரில் மட்டும் 10 முறை (2005-2008, 2010-2014, 2017) கோப்பை வென்று சாதித்துள்ளார். விரைவில் பிரெஞ்ச் ஓபன் தொடர் (மே 27 முதல் ஜூன் 10 வரை) துவங்கவுள்ளது குறிப்பிடத்தக்கது.





தொடர்புடைய செய்திகள்

1. அமெரிக்க ஓபன் டென்னிஸ்: நடால், செரீனா அரைஇறுதிக்கு முன்னேற்றம்
அமெரிக்க ஓபன் டென்னிஸ் போட்டியில் ஸ்பெயின் வீரர் ரபெல் நடால், அமெரிக்க வீராங்கனை செரீனா வில்லியம்ஸ் ஆகியோர் அரைஇறுதிக்கு முன்னேறினார்கள்.
2. மணலி அருகே கன்டெய்னர் லாரி டிரைவரை மிரட்டி செல்போன் பறிப்பு; 4 பேர் கைது
துறைமுகத்திற்கு செல்ல காத்திருந்த கன்டெய்னர் லாரி டிரைவரை மிரட்டி செல்போனை பறித்து சென்ற 4 பேர் கைது செய்யப்பட்டனர். ஒரே மோட்டார் சைக்கிளில் தப்பியவர்களை போலீசார் மடக்கிப்பிடித்தனர்.
3. கை, கால்கள் செயலிழந்த சிறுவனுக்கு சிறப்பு சிகிச்சை: மதுரை பெரிய ஆஸ்பத்திரி டாக்டர்கள் சாதனை
கை, கால்கள் செயலிழந்த சிறுவனுக்கு சிறப்பு சிகிச்சை அளித்து அரசு டாக்டர்கள் சாதனை புரிந்துள்ளனர்.
4. ராமநாதபுரம் மாவட்டத்தில் முதல் திருநங்கை காவலராக நஸ்ரியா பணி ஏற்பு
ராமநாதபுரம் மாவட்டத்தில் முதல் திருநங்கை காவலராக நஸ்ரியா நேற்று பணி ஏற்றுக்கொண்டார். பல்வேறு தடைகளை தகர்த்தெறிந்து தனது விடாமுயற்சியால் சொந்த மாவட்டத்திலேயே பணியாற்றும் வாய்ப்பு பெற்று சாதனை படைத்துள்ளார்.
5. சர்வதேச குத்துச்சண்டை போட்டி: திருச்சி வீரர்கள் தங்கம் வென்று சாதனை உற்சாக வரவேற்பு
சர்வதேச குத்துச்சண்டை போட்டியில் திருச்சி வீரர்கள் தங்கம் வென்று சாதனை படைத்தனர். அவர்களுக்கு திருச்சியில் உற்சாக வரவேற்பு அளிக்கப்பட்டது.