டென்னிஸ்

பிரெஞ்ச் ஓபன் டென்னிஸ்: ‌ஷரபோவாவை வீழ்த்தினார், முகுருஜா + "||" + French Open Tennis: He defeated Sharapova, Mukhruja

பிரெஞ்ச் ஓபன் டென்னிஸ்: ‌ஷரபோவாவை வீழ்த்தினார், முகுருஜா

பிரெஞ்ச் ஓபன் டென்னிஸ்: ‌ஷரபோவாவை வீழ்த்தினார், முகுருஜா
பிரெஞ்ச் ஓபன் டென்னிஸ் போட்டியின் கால்இறுதியில் முன்னாள் சாம்பியன் ஸ்பெயின் வீராங்கனை முகுருஜா நேர் செட்டில் ரஷியாவின் ‌ஷரபோவாவை தோற்கடித்தார்.

பாரீஸ்,

பிரெஞ்ச் ஓபன் டென்னிஸ் போட்டியின் கால்இறுதியில் முன்னாள் சாம்பியன் ஸ்பெயின் வீராங்கனை முகுருஜா நேர் செட்டில் ரஷியாவின் ‌ஷரபோவாவை தோற்கடித்தார்.

‌ஷரபோவா தோல்வி

‘கிராண்ட்ஸ்லாம்’ அந்தஸ்து பெற்ற பிரெஞ்ச் ஓபன் டென்னிஸ் போட்டி பாரீஸ் நகரில் நடந்து வருகிறது. இதில் பெண்கள் ஒற்றையர் பிரிவில் நடந்த கால்இறுதி ஆட்டம் ஒன்றில் 2 முறை சாம்பியனான மரிய ‌ஷரபோவாவும் (ரஷியா), தரவரிசையில் 3–வது இடத்தில் உள்ள கார்பின் முகுருஜாவும் (ஸ்பெயின்) மோதினர்.

இதில் தொடக்கம் முதலே ஆதிக்கம் செலுத்திய முகுருஜா, அதிவேகமான ஷாட்டுகளை அடித்து ‌ஷரபோவாவை திணறடித்தார். 70 நிமிடங்களில் ‌ஷரபோவாவின் சவாலை முடிவுக்கு கொண்டு வந்த முகுருஜா 6–2, 6–1 என்ற நேர் செட்டில் வெற்றி பெற்று அரைஇறுதிக்கு தகுதி பெற்றார்.

ஹாலெப் போராடி வெற்றி

மற்றொரு கால்இறுதியில் ‘நம்பர் ஒன்’ வீராங்கனை சிமோனா ஹாலெப்பும் (ருமேனியா), முன்னாள் ‘நம்பர் ஒன்’ மங்கை ஏஞ்சலிக் கெர்பரும் (ஜெர்மனி) பலப்பரீட்சை நடத்தினர். இதில் முதல் செட்டில் நிறைய தவறுகள் இழைத்ததால் பின்னடைவை சந்தித்த ஹாலெப், அடுத்த செட்டுகளில் சுதாரித்து விளையாடி சரிவில் இருந்து மீண்டார்.

2 மணி 14 நிமிடங்கள் நீடித்த ஆட்டத்தின் முடிவில் ஹாலெப் 6–7 (2–7), 6–3, 6–2 என்ற செட் கணக்கில் கெர்பரை வீழ்த்தி 3–வது முறையாக அரைஇறுதியை எட்டினார். இன்று நடக்கும் அரைஇறுதியில் ஹாலெப், முகுருஜாவுடன் மோதுகிறார். இதில் வெற்றி பெற்றால் ஹாலெப் முதலிடத்தை தக்க வைப்பார். தோல்வி அடைந்தால் முகுருஜா வசம் ‘நம்பர் ஒன்’ அரியணை சென்று விடும். மற்றொரு அரைஇறுதியில் அமெரிக்க வீராங்கனைகள் மேடிசன் கீஸ்– ஸ்லோனே ஸ்டீபன்ஸ் சந்திக்கிறார்கள்.

ஜோகோவிச் காயம்

முன்னதாக நேற்று முன்தினம் இரவு நடந்த ஆண்கள் ஒற்றையர் கால்இறுதியில் இத்தாலி வீரர் மார்கோ செச்சினட்டோவிடம் அதிர்ச்சி தோல்வி அடைந்த முன்னாள் ‘நம்பர் ஒன்’ வீரர் நோவக் ஜோகோவிச் (செர்பியா) கழுத்து வலியால் பாதிக்கப்பட்டுள்ளார். இதனால் அடுத்து வரும் விம்பிள்டனில் அவர் ஆடுவது சந்தேகமாகியுள்ளது. விம்பிள்டனில் கலந்து கொள்வது குறித்து இப்போது எதுவும் உறுதியாக சொல்ல முடியாது என்று ஜோகோவிச் கூறியுள்ளார்.



தொடர்புடைய செய்திகள்

1. ஷாங்காய் மாஸ்டர்ஸ் டென்னிஸ்: ஜோகோவிச் ‘சாம்பியன்’
ஷாங்காய் மாஸ்டர்ஸ் சர்வதேச டென்னிஸ் போட்டி சீனாவில் நடந்து வந்தது. நேற்று நடந்த இறுதி ஆட்டத்தில் நோவக் ஜோகோவிச் (செர்பியா), குரோஷியாவின் போர்னா கோரிச்சுடன் மோதினார்.
2. ஷாங்காய் ஓபன் டென்னிஸ்: அரைஇறுதியில் பெடரர் அதிர்ச்சி தோல்வி
ஷாங்காய் மாஸ்டர்ஸ் ஓபன் டென்னிஸ் போட்டி சீனாவில் நடந்து வருகிறது.
3. ஆசிய விளையாட்டில் பதக்கம் வென்ற டேபிள் டென்னிஸ் வீரர்களுக்கு ரூ.6 லட்சம் ஊக்கத்தொகை
ஆசிய விளையாட்டு போட்டியில் டேபிள் டென்னிஸ் அணிகள் பிரிவில் தமிழகத்தை சேர்ந்த சரத்கமல், சத்தியன், அந்தோணி அமல்ராஜ் ஆகியோர் அடங்கிய இந்திய அணி வெண்கலப்பதக்கம் வென்றது.
4. டேவிஸ் கோப்பை டென்னிஸ்: இரட்டையரில் இந்தியா தோல்வி
டேவிஸ் கோப்பை டென்னிஸ் போட்டியில் இந்தியா–செர்பியா அணிகள் இடையிலான உலக குரூப் ‘பிளே–ஆப்’ சுற்று போட்டி செர்பியாவின் கிரால்ஜெவோ நகரில் நடந்து வருகிறது.
5. இஸ்தான்புல் சேலஞ்சர் டென்னிஸ் இறுதி போட்டிக்கு ராஜா-ஜுனைத் இணை முன்னேற்றம்
இஸ்தான்புல் சேலஞ்சர் டென்னிஸ் ஆடவர் இரட்டையர் ஆட்டத்தில் இந்தியாவின் ராஜா மற்றும் ஆஸ்திரேலியாவின் ஜுனைத் இணை இறுதி போட்டிக்கு முன்னேறியது.