டென்னிஸ்

விம்பிள்டன் டென்னிஸ்: பெடரர், செரீனா வில்லியம்ஸ் கால்இறுதிக்கு தகுதி + "||" + Wimbledon tennis: Federer, Serena Williams qualifies for the quarter-finals

விம்பிள்டன் டென்னிஸ்: பெடரர், செரீனா வில்லியம்ஸ் கால்இறுதிக்கு தகுதி

விம்பிள்டன் டென்னிஸ்: பெடரர், செரீனா வில்லியம்ஸ் கால்இறுதிக்கு தகுதி
விம்பிள்டன் டென்னிஸ் போட்டியில் சுவிட்சர்லாந்து வீரர் பெடரர், அமெரிக்க வீராங்கனை செரீனா வில்லியம்ஸ் ஆகியோர் கால்இறுதிக்கு முன்னேறினார்கள்.
லண்டன்,

கிராண்ட்ஸ்லாம் போட்டிகளில் பழம்பெருமை வாய்ந்த விம்பிள்டன் டென்னிஸ் போட்டி லண்டனில் நடந்து வருகிறது.

இதில் நேற்று நடந்த ஆண்கள் ஒற்றையர் பிரிவு 4-வது சுற்று ஆட்டம் ஒன்றில் நடப்பு சாம்பியன் ரோஜர் பெடரர் (சுவிட்சர்லாந்து) 6-0, 7-5, 6-4 என்ற நேர்செட்டில் பிரான்ஸ் வீரர் அட்ரியன் முன்னாரினோவை தோற்கடித்து 16-வது முறையாக கால்இறுதிக்கு முன்னேறினார். இன்னொரு ஆட்டத்தில் ஜப்பான் வீரர் நிஷிகோரி 4-6, 7-6 (7-5), 7-6 (12-10), 6-1 என்ற செட் கணக்கில் லாத்வியா வீரர் எர்னெஸ்ட் குல்பிஸ்டை சாய்த்து கால்இறுதிக்கு தகுதி பெற்றார்.


மற்றொரு ஆட்டத்தில் அமெரிக்க வீரர் ஜான் இஸ்னர் 6-4, 7-6 (10-8), 7-6 (7-4) என்ற நேர்செட்டில் கிரீஸ் வீரர் ஸ்டீபனோஸ்சை தோற்கடித்து முதல்முறையாக கால்இறுதிக்குள் அடியெடுத்து வைத்தார். கனடா வீரர் மிலோஸ் ரானிச் தனது ஆட்டத்தில் வெற்றி பெற்று கால்இறுதிக்குள் நுழைந்தார்.

பெண்கள் ஒற்றையர் பிரிவில் 4-வது சுற்று ஆட்டம் ஒன்றில் 7 முறை சாம்பியனான செரீனா வில்லியம்ஸ் (அமெரிக்கா) 6-2, 6-2 என்ற நேர்செட்டில் ரஷியாவை சேர்ந்த தகுதி சுற்று வீராங்கனை எவ்ஜெனியா ரோடினாவை எளிதில் வென்று கால்இறுதிக்குள் நுழைந்தார். மற்றொரு ஆட்டத்தில் முன்னாள் நம்பர் ஒன் வீராங்கனை ஏஞ்சலிக் கெர்பர் (ஜெர்மனி) 6-3, 7-6 (7-5) என்ற நேர்செட்டில் சுவிட்சர்லாந்து வீராங் கனை பெலின்டா பென்சிச்சை வீழ்த்தி கால்இறுதிக்குள் நுழைந்தார்.

மற்ற ஆட்டங்களில் கிகி பெர்டென்ஸ் (நெதர்லாந்து), ஜெலினா ஆஸ்டாபென்கோ (லாத்வியா), ஜூலியா கோர்ஜெஸ் (ஜெர்மனி), சிபுல்கோவா (சுலோவக்கியா) ஆகியோர் வெற்றி பெற்று கால்இறுதிக்கு தகுதி பெற்றனர். செக் குடியரசு வீராங்கனை கரோலினா பிளிஸ்கோவா 4-வது சுற்றில் அதிர்ச்சி தோல்வி கண்டு வெளியேறினார்.


தொடர்புடைய செய்திகள்

1. ஏ.டி.பி. டென்னிஸ்: அரைஇறுதியில் பெடரர்
ஏ.டி.பி. டென்னிஸின் அரைஇறுதி சுற்றுக்கு பெடரர் முன்னேறினார்.
2. ஏ.டி.பி. இறுதி சுற்று டென்னிஸ்: பெடரரை வீழ்த்தினார், நிஷிகோரி
ஏ.டி.பி. இறுதி சுற்று டென்னிஸ் போட்டியில், பெடரரை வீழ்த்தி நிஷிகோரி வெற்றிபெற்றார்.
3. 99-வது பட்டத்தை கைப்பற்றினார், பெடரர்
சுவிஸ் உள்விளையாட்டு அரங்க சர்வதேச டென்னிஸ் போட்டி பாசெல் நகரில் நடந்தது.
4. ஷாங்காய் டென்னிஸ்: 3-வது சுற்றில் பெடரர்
ஷாங்காய் டென்னிஸ் போட்டியில், ரோஜர் பெடரர் 3-வது சுற்றுக்கு முன்னேறினார்.
5. விம்பிள்டன் டென்னிஸ்: மகளிர் ஒற்றையர் பிரிவில் ஜெர்மனியின் ஏஞ்சலிக் கெர்பர் சாம்பியன்
விம்பிள்டன் டென்னிஸ் போட்டியில் மகளிர் ஒற்றையர் பிரிவில் ஜெர்மனியின் ஏஞ்சலிக் கெர்பர் சாம்பியன் பட்டம் வென்றார்.

அதிகம் வாசிக்கப்பட்டவை