டென்னிஸ்

சின்சினாட்டி ஓபன் டென்னிஸ் அரைஇறுதியில் பெடரர், ஜோகோவிச் + "||" + Cincinnati Open Tennis In the semi-finals Federer, Jokovich

சின்சினாட்டி ஓபன் டென்னிஸ் அரைஇறுதியில் பெடரர், ஜோகோவிச்

சின்சினாட்டி ஓபன் டென்னிஸ் அரைஇறுதியில் பெடரர், ஜோகோவிச்
சின்சினாட்டி ஓபன் டென்னிஸ் போட்டியில் சுவிட்சர்லாந்து வீரர் ரோஜர் பெடரர், செர்பியா வீரர் ஜோகோவிச் ஆகியோர் அரைஇறுதிக்கு முன்னேறினார்கள்.

சின்சினாட்டி, 

சின்சினாட்டி ஓபன் டென்னிஸ் போட்டியில் சுவிட்சர்லாந்து வீரர் ரோஜர் பெடரர், செர்பியா வீரர் ஜோகோவிச் ஆகியோர் அரைஇறுதிக்கு முன்னேறினார்கள்.

பெடரர் வெற்றி

சின்சினாட்டி ஓபன் டென்னிஸ் போட்டி அமெரிக்காவில் நடந்து வருகிறது. இதன் ஆண்கள் ஒற்றையர் பிரிவில் கால்இறுதி ஆட்டம் ஒன்றில் உலக தரவரிசையில் 2–வது இடத்தில் இருப்பவரும், 7 முறை இந்த பட்டத்தை வென்றவருமான ரோஜர் பெடரர் (சுவிட்சர்லாந்து) 6–7 (2–7), 7–6 (8–6), 6–2 என்ற செட் கணக்கில் சக நாட்டு வீரர் வாவ்ரிங்காவை வீழ்த்தி அரைஇறுதிக்கு முன்னேறினார்.

மற்றொரு ஆட்டத்தில் தரவரிசையில் 11–வது இடத்தில் உள்ள டேவிட் கோபின் (பெல்ஜியம்) 7–6 (7–5), 7–6 (7–4) என்ற நேர்செட்டில் 3–ம் நிலை வீரர் ஜூயன் மார்ட்டின் டெல்போட்ரோவை (அர்ஜென்டினா) சாய்த்து அரைஇறுதிக்குள் அடியெடுத்து வைத்தார். அரைஇறுதியில் டேவிட் கோபின், பெடரரை சந்திக்கிறார்.

அரைஇறுதியில் ஜோகோவிச்

இன்னொரு ஆட்டத்தில் முன்னாள் நம்பர் ஒன் வீரரான ஜோகோவிச் (செர்பியா) 7–5, 4–6, 6–3 என்ற செட் கணக்கில் கனடாவின் மிலோஸ் ராவ்னிக்கை தோற்கடித்து அரைஇறுதிக்கு தகுதி பெற்றார். இந்த ஆட்டத்தில் பின்தங்கி இருந்த ஒரு கட்டத்தில் ஜோகோவிச் ஆத்திரத்தில் தனது ராக்கெட்டை உடைத்து எறிந்தார். அதன் பிறகு ஆக்ரோ‌ஷமாக ஆடிய அவரது ஆட்டத்தில் ஏற்றம் ஏற்பட்டது.

மற்றொரு ஆட்டத்தில் குரோஷியா வீரர் மரின் சிலிச் 7–6 (9–7), 6–4 என்ற நேர்செட்டில் ஸ்பெயினின் பாப்லோ கார்ரினா பஸ்தாவை பதம் பார்த்து அரைஇறுதியை எட்டினார். அரைஇறுதியில் மரின் சிலிச்–ஜோகோவிச் ஆகியோர் மோதுகிறார்கள்.

சிமோனா ஹாலெப் அபாரம்

பெண்கள் ஒற்றையர் பிரிவு கால்இறுதி ஆட்டம் ஒன்றில் நம்பர் ஒன் வீராங்கனை சிமோனா ஹலெப் (ருமேனியா) 6–4, 6–1 என்ற நேர்செட்டில் லிசி சுரென்கோவை (உக்ரைன்) எளிதில் தோற்கடித்து அரைஇறுதிக்குள் நுழைந்தார். அரைஇறுதியில் பெலாரஸ் வீராங்கனை அரினா சபலென்காவை சந்திக்கிறார்.

இன்னொரு கால்இறுதியில் கிவிடோவா (செக் குடியரசு) 7–5, 5–7, 6–3 என்ற செட் கணக்கில் எலிஸ் மெர்டென்சை (பெல்ஜியம்) வீழ்த்தி அரைஇறுதிக்குள் அடியெடுத்து வைத்தார். அரைஇறுதியில் கிகி பெர்டென்சை (நெதர்லாந்து) எதிர்கொள்கிறார்.



தொடர்புடைய செய்திகள்

1. முன்னணி 8 வீரர்கள் மட்டும் பங்கேற்கும் டென்னிஸ் சாம்பியன்ஷிப் போட்டி லண்டனில் இன்று தொடக்கம்
ஆண்கள் டென்னிஸ் சாம்பியன்ஷிப் போட்டி லண்டனில் இன்று தொடங்குகிறது.
2. உலக டூர் டென்னிஸ்: ரபெல் நடால் விலகல்
உலக தரவரிசையில் டாப்–8 இடங்களில் உள்ள வீரர்கள் மட்டுமே பங்கேற்கும் ஏ.டி.பி. உலக டூர் இறுதி சுற்று டென்னிஸ் போட்டி லண்டனில் வருகிற 11–ந்தேதி முதல் 18–ந்தேதி வரை நடக்கிறது.
3. பெண்கள் டென்னிஸ் போட்டி: உக்ரைன் வீராங்கனை ஸ்விடோலினா ‘சாம்பியன்’ ரூ.17¼ கோடியை பரிசாக அள்ளினார்
பெண்கள் டென்னிஸ் சாம்பியன்ஷிப் போட்டியில் உக்ரைன் வீராங்கனை ஸ்விடோலினா, அமெரிக்காவின் ஸ்டீபன்சை வீழ்த்தி பட்டத்தை கைப்பற்றினார்.
4. பெண்கள் டென்னிஸ் சாம்பியன்ஷிப்: இறுதிப்போட்டியில் ஸ்விடோலினா, ஸ்டீபன்ஸ்
பெண்கள் டென்னிஸ் சாம்பியன்ஷிப் போட்டி சிங்கப்பூரில் நடந்து வருகிறது.
5. ஷாங்காய் மாஸ்டர்ஸ் டென்னிஸ்: ஜோகோவிச் ‘சாம்பியன்’
ஷாங்காய் மாஸ்டர்ஸ் சர்வதேச டென்னிஸ் போட்டி சீனாவில் நடந்து வந்தது. நேற்று நடந்த இறுதி ஆட்டத்தில் நோவக் ஜோகோவிச் (செர்பியா), குரோஷியாவின் போர்னா கோரிச்சுடன் மோதினார்.