அமெரிக்க ஓபன் டென்னிஸ்: ஜோகோவிச், வோஸ்னியாக்கி, பெட்ரா க்விடோவா ஆகியோர் இரண்டாவது சுற்றுக்கு தகுதி

நியூயார்க்,

‘கிராண்ட்ஸ்லாம்’ அந்தஸ்து பெற்ற அமெரிக்க ஓபன் டென்னிஸ் போட்டி நியூயார்க் நகரில் நடந்து வருகிறது.

இதில் நேற்றைய ஆட்டத்தில் ஆஸ்திரேலிய ஓபன் சாம்பியனான டென்மார்க் நாட்டை சேர்ந்த கரோலின் வோஸ்னியாக்கி, ஆஸ்திரேலியாவின் சாம் ஸ்டோசுரை எதிர் கொண்டார். ஆட்டத்தின் துவக்கத்திலிருந்தே ஆதிக்கம் செலுத்திய வோஸ்னியாக்கி 6-3, 6-2 என்ற நேர் செட்களில் சாம் ஸ்ரோசுரை வீழ்த்தி இரண்டாவது சுற்றுக்கு முன்னேறினார்.

மற்றோரு ஆட்டத்தில் இரண்டுமுறை விம்பிள்டண் சாம்பியனான பெட்ரா க்விடோவா, பெல்ஜியன் வீராங்கனை யானினா விக்மாயரை எதிர் கொண்டார். தொடக்கத்திலிருந்தே அதிரடி காட்டிய க்விடோவா 6-1, 6-4 என்ற நேர் செட்களில் விக்மாயரை வீழ்த்தி இரண்டாவது சுற்றுக்கு முன்னேறினார்.

இதேபோல் மற்றோரு ஆண்கள் ஒற்றையர் பிரிவு ஆட்டத்தில் கடந்த ஜூலையில் விம்பிள்டண் பட்டம் வென்ற நோவக் ஜோகோவிச், ஹங்கேரியின் மார்டான் ஃபுக்சோவிக்ஸை எதிர்கொண்டார். பரபரப்பாக நடைபெற்ற ஆட்டத்தில் ஜோகோவிச் 6-3, 3-6, 6-4, 6-0 என்ற புள்ளிக்கணக்கில் ஃபுக்சோவிக்ஸை வீழ்த்தி இரண்டாவது சுற்றுக்கு முன்னேறினார்.