டென்னிஸ்

அமெரிக்க ஓபன் டென்னிஸ்: ரபெல் நடால், செரீனா வில்லியம்ஸ் கால்இறுதிக்கு முன்னேற்றம் + "||" + US Open tennis: Rafael Nadal, Serena Williams progress to quarter-finals

அமெரிக்க ஓபன் டென்னிஸ்: ரபெல் நடால், செரீனா வில்லியம்ஸ் கால்இறுதிக்கு முன்னேற்றம்

அமெரிக்க ஓபன் டென்னிஸ்: ரபெல் நடால், செரீனா வில்லியம்ஸ் கால்இறுதிக்கு முன்னேற்றம்
அமெரிக்க ஓபன் டென்னிஸ் போட்டியில் ஸ்பெயின் வீரர் ரபெல் நடால், அமெரிக்க வீராங்கனை செரீனா வில்லியம்ஸ் ஆகியோர் கால்இறுதிக்கு முன்னேறினார்கள்.
நியூயார்க்,

கிராண்ட்ஸ்லாம் போட்டிகளில் ஒன்றான அமெரிக்க ஓபன் டென்னிஸ் போட்டி நியூயார்க் நகரில் நடந்து வருகிறது. போட்டியின் 7-வது நாளான நேற்று முன்தினம் நடந்த ஆண்கள் ஒற்றையர் பிரிவு 4-வது சுற்று ஆட்டம் ஒன்றில் நடப்பு சாம்பியனும், நம்பர் ஒன் வீரருமான ரபெல் நடால் (ஸ்பெயின்) ஜார்ஜியா வீரர் நிகோலோஸ் பாசிலாஷ்விலியை சந்தித்தார்.


3 மணி 20 நிமிடம் நீடித்த இந்த ஆட்டத்தில் ரபெல் நடால் 6-3, 6-3, 6-7 (6-8), 6-4 என்ற செட் கணக்கில் நிகோலோஸ்சை தோற்கடித்து கால்இறுதிக்கு முன்னேறினார்.

மற்றொரு ஆட்டத்தில் ஆஸ்திரியா வீரர் டொமினிக் திம் 7-5, 7-2, 7-6 (7-2) என்ற நேர்செட்டில் தென்ஆப்பிரிக்க வீரர் கெவின் ஆண்டர்சனை வீழ்த்தி முதல்முறையாக கால்இறுதிக்குள் அடியெடுத்து வைத்தார். கால்இறுதியில் டொமினிக் திம், ரபெல் நடாலை சந்திக்கிறார்.

இன்னொரு ஆட்டத்தில் அமெரிக்க வீரர் ஜான் இஸ்னர் 3-6, 6-3, 6-4, 3-6, 6-2 என்ற செட் கணக்கில் கனடா வீரர் மிலோஸ் ராவ்னிக்கை போராடி வீழ்த்தி கால்இறுதிக்கு தகுதி பெற்றார். இந்த ஆட்டம் 3 மணி 26 நிமிடம் வரை நீடித்தது. மற்றொரு ஆட்டத்தில் அர்ஜென்டினா வீரர் ஜூவான் மார்ட்டின் டெல்போட்ரோ 6-4, 6-3, 6-2 என்ற நேர்செட்டில் குரோஷியாவின் போர்னா கோரிச்சை விரட்டியடித்து கால்இறுதிக்குள் கால் பதித்தார். கால்இறுதியில் டெல்போட்ரோ, ஜான் இன்னரை எதிர்கொள்கிறார்.

பெண்கள் ஒற்றையர் பிரிவில் நடந்த 4-வது சுற்று ஆட்டம் ஒன்றில் 6 முறை சாம்பியனும், முன்னாள் நம்பர் ஒன் வீராங்கனையுமான செரீனா வில்லியம்ஸ் (அமெரிக்கா) 6-0, 4-6, 6-3 என்ற செட் கணக்கில் எஸ்தோனியா வீராங்கனை கனேபியை தோற்கடித்து கால்இறுதிக்கு முன்னேறினார்.

மற்றொரு ஆட்டத்தில் நடப்பு சாம்பியனும், உலக தரவரிசையில் 3-வது இடத்தில் இருப்பவருமான ஸ்லோனே ஸ்டீபன்ஸ் (அமெரிக்கா) 6-3, 6-3 என்ற நேர்செட்டில் பெல்ஜியம் வீராங்கனை எலிஸ் மெர்டென்சை தோற்கடித்து கால்இறுதிக்குள் நுழைந்தார்.

இன்னொரு ஆட்டத்தில் லாத்வியா வீராங்கனை செவஸ்தோவா 6-3, 1-6, 6-0 என்ற செட் கணக்கில் எலினா ஸ்விடோலினாவை (உக்ரைன்) வீழ்த்தி கால்இறுதிக்கு தகுதி பெற்றார். கால்இறுதியில் ஸ்லோனே ஸ்டீபன்ஸ்-செவஸ்தோவா மோதுகிறார்கள்.

மற்றொரு ஆட்டத்தில் செக்குடியரசு வீராங்கனை கரோலினா பிளிஸ்கோவா 6-4, 6-4 என்ற நேர்செட்டில் ஆஸ்திரேலியாவின் ஆஷ்லிக் பார்ட்டியை சாய்த்து கால்இறுதிக் குள் அடியெடுத்து வைத்தார்.




தொடர்புடைய செய்திகள்

1. அமெரிக்க ஓபன் டென்னிஸ்: செர்பியா வீரர் ஜோகோவிச் ‘சாம்பியன்’
அமெரிக்க ஓபன் டென்னிஸ் போட்டியில் செர்பியா வீரர் ஜோகோவிச் சாம்பியன் பட்டத்தை கைப்பற்றினார்.
2. அமெரிக்க ஓபன் டென்னிஸ்: ஜப்பான் வீராங்கனை ஒசாகா ‘சாம்பியன்’
அமெரிக்க ஓபன் டென்னிஸ் இறுதிப்போட்டியில் ஜப்பான் வீராங்கனை ஒசாகா முன்னாள் சாம்பியன் செரீனாவை நேர் செட்டில் தோற்கடித்து முதல்முறையாக பட்டத்தை தட்டிச்சென்றார்.
3. அமெரிக்க ஓபன் டென்னிஸ்: இறுதிப்போட்டியில் ஜோகோவிச்-டெல்போட்ரோ
அமெரிக்க ஓபன் டென்னிஸ் போட்டியில் ஜோகோவிச், டெல்போட்ரோ ஆகியோர் இறுதிப்போட்டிக்கு முன்னேறினார்கள். நம்பர் ஒன் வீரரான ரபெல் நடால் காயம் காரணமாக அரைஇறுதியில் பாதியில் விலகினார்.
4. அமெரிக்க ஓபன் டென்னிஸ்: ஜப்பான் வீராங்கனை ஒசாகா இறுதிப்போட்டிக்கு முன்னேறி சாதனை
அமெரிக்க ஓபன் டென்னிஸ் போட்டியில் ஜப்பான் வீராங்கனை ஒசாகா இறுதிப்போட்டிக்கு முன்னேறி சாதனை படைத்துள்ளார். பட்டத்துக்கான இறுதி ஆட்டத்தில் அவர் செரீனா வில்லியம்சுடன் இன்று மோத இருக்கிறார்.
5. அமெரிக்க ஓபன் டென்னிஸ்: அரைஇறுதியில் ஜோகோவிச், நிஷிகோரி
அமெரிக்க ஓபன் டென்னிஸ் போட்டியில் செர்பியா வீரர் ஜோகோவிச், ஜப்பான் வீரர் நிஷிகோரி ஆகியோர் அரைஇறுதிக்கு தகுதி பெற்றனர்.