அமெரிக்க ஓபன் டென்னிஸ்: கால்இறுதியில் ஜோகோவிச்

அமெரிக்க ஓபன் டென்னிஸ் போட்டியின் 4-வது சுற்று ஆட்டத்தில் சுவிட்சர்லாந்து வீரர் ரோஜர் பெடரர் அதிர்ச்சி தோல்வி கண்டு வெளியேறினார்.

கிராண்ட்ஸ்லாம் போட்டிகளில் ஒன்றான அமெரிக்க ஓபன் டென்னிஸ் போட்டி நியூயார்க் நகரில் நடந்து வருகிறது. போட்டியின் 8-வது நாளான நேற்று முன்தினம் நடந்த ஆண்கள் ஒற்றையர் பிரிவு 4-வது சுற்று ஆட்டம் ஒன்றில் உலக தரவரிசையில் 2-வது இடம் வகிப்பவரும், 20 கிராண்ட்ஸ்லாம் பட்டம் வென்றவருமான ரோஜர் பெடரர் (சுவிட்சர்லாந்து), உலக தரவரிசையில் 55-வது இடத்தில் உள்ள ஆஸ்திரேலிய வீரர் ஜான் மில்மானை சந்தித்தார்.


மற்றொரு ஆட்டத்தில் முன்னாள் நம்பர் ஒன் வீரரும், 2 முறை சாம்பியனுமான ஜோகோவிச் (செர்பியா) 6-3, 6-4, 6-3 என்ற நேர்செட்டில் உலக தரவரிசையில் 68-வது இடத்தில் உள்ள போர்ச்சுகல் வீரர் ஜோவ் ஜோசாவை தோற்கடித்து கால் இறுதிக்கு முன்னேறினார்.


பெண்கள் ஒற்றையர் பிரிவு 4-வது சுற்று ஆட்டம் ஒன்றில் முன்னாள் நம்பர் ஒன் வீராங்கனை ஷரபோவா (ரஷியா) 4-6, 3-6 என்ற நேர்செட்டில் ஸ்பெயின் வீராங் கனை கார்லா நவரோவாவிடம் தோற்று வெளியேறினார். இந்த வெற்றி கார்லா நவரோவாவுக்கு பிறந்த நாள் பரிசாக அமைந்தது. மற்றொரு ஆட்டத்தில் ஜப்பான் வீராங்கனை நவோமி ஒசாகா 6-3, 2-6, 6-4 என்ற செட் கணக்கில் சபலென்காவை (பெலாரஸ்) வீழ்த்தி கிராண்ட்லாம் போட்டியில் முதல்முறையாக கால்இறுதியை எட்டினார்.

இன்னொரு ஆட்டத்தில் அமெரிக்க வீராங்கனை மேடிசன் கீஸ் 6-1, 6-3 என்ற நேர்செட்டில் சுலோவாக்கியா வீராங்கனை சிபுல்கோவாவை தோற்கடித்தார்.


ஆண்கள் இரட்டையர் பிரிவில் 3-வது சுற்று ஆட்டத்தில் ரோகன் போபண்ணா (இந்தியா)-ரோஜர் வாசெலின் (பிரான்ஸ்) ஜோடி 7-6 (8-6), 4-6, 6-3 என்ற செட் கணக்கில் பிரான்சின் ஜெர்மி சார்டி- பாப்ரைஸ் மார்ட்டின் இணையை வீழ்த்தி கால்இறுதிக்கு முன்னேறியது.